• دسمبر 7, 2021

نادرا کا سندھ میں مزید 3 میگا سینٹرز قائم کرنے کا فیصلہ

کراچی: نادرا حکام کی جانب سے کراچی سمیت سندھ کے شہریوں کے لئے بڑی پیش رفت، سندھ میں مزید 3 نادرا میگا سینٹرز کے قیام کا فیصلہ کر لیا گیا۔

نادرا حکام کے مطابق دو میگا سینٹرز کراچی جبکہ ایک سینٹر حیدرآباد میں بنایا جائےگا، دو شفٹوں میں شہریوں کو شناختی کارڈز سے متعلق سہولیات ملیں گی، کراچی کے ضلع شرقی اورملیر میں نادرا میگا سینٹرز قائم کئے جائیں گے جبکہ لیاقت آباد اور کورنگی نادرا رجسٹریشن سینٹرز کی بھی تزئین و آرائش ہو گی۔

کراچی کے دونوں سینٹرز پر شہریوں کو ایک کی بجائے دو شفٹوں میں سہولیات ملیں گی، وراثتی سرٹیفکیٹس کیلئے عوامی مرکز میں خصوصی سینٹر قائم کیا جائے گا، کراچی میں 4 موبائل رجسٹریشن وین کا بھی اضافہ کر دیا گیا ہے، سندھ میں موبائل رجسٹریشن وین کی تعداد 23 ہو گئی، ٹھٹھہ، سندھڑی اور عمرکوٹ کی تحصیل سامارو میں نئے سینٹرز قائم کیے جائیں گے، ذرائع کے مطابق سندھ میں ان نئے منصوبوں کی تکمیل کی ڈیڈ لائن 31 دسمبر مقرر کی گئی ہے۔

0 Reviews

Write a Review

Read Previous

پاکپتن: طلاق کے بعد خاوند سے رابطہ رکھنے پر بہن قتل، لاش دیکھ کر باپ چل بسا

Read Next

سپریم کورٹ: سانحہ اے پی ایس از خود نوٹس سماعت کا تحریری حکمنامہ جاری

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے