• اکتوبر 16, 2021

منی لانڈرنگ ریفرنس: شہباز شریف کی اہلیہ نصرت شہباز پر فرد جرم عائد

لاہور: لاہور کی احتساب عدالت نے منی لانڈرنگ ریفرنس میں اپوزیشن لیڈر شہباز شریف کی اہلیہ نصرت شہباز پر نمائندے کے ذریعے فرد جرم عائد کر دی۔ عدالت نے آئندہ سماعت پر نیب کے گواہوں کو بیانات کے لئے طلب کر لیا۔

 اپوزیشن لیڈر شہباز شریف خاندان کیخلاف نیب کے مختلف کیسسز کی سماعت ہوئی۔ حمزہ شہباز سمیت دیگر ملزمان عدالت میں پیش ہوئے جبکہ شہباز شریف کی جانب سے حاضری معافی کی درخواست جمع کروائی گئی، جس میں موقف اپنایا گیا کہ شہباز شریف کمر درد میں مبتلا ہیں، ڈاکٹروں نے آرام کرنے کا کہا ہے۔ عدالت نے شہباز شریف کی حاضری معافی کی درخواست منظور کرلی۔

احتساب عدالت نے آشیانہ اقبال، رمضان شوگر ملز اور منی لانڈرنگ کیس میں سماعت 18 اکتوبر تک ملتوی کر دی۔ لیگی رہنماؤں کی عدالت میں پیشی کے موقع پر سکیورٹی کے سخت انتظامات کیے گئے۔ یاد رہے نصرت شہباز نے گزشتہ سماعت پر ٹرائل جوائن کیا تھا۔

0 Reviews

Write a Review

Read Previous

Headlines | 01 October 2021 | A1 Tv News |

Read Next

ٹینیسی: سکول میں فائرنگ سے طالب علم زخمی، حملہ آور نے گرفتاری دیدی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے