• جون 24, 2021

ملک پر ڈھائی سال میں عمران خان نے چودہ ہزار ارب کا مزید قرضہ چڑھا دیا ، مریم اورنگزیب

رپورٹ : میاں عبدالباسط

 اسلام آباد : مسلم لیگ ن کی مرکزی ترجمان مریم اورنگزیب نے کہا ہے کہ عمران خان کے فیصلوں سے 14 ہزار ارب روپے کا قرض بڑھ گیا۔ تحریک انصاف کی حکومت جب سے اقتدار میں آئی ہے ملک خسارے کی جانب جا رہا ہے۔

مسلم لیگ ن کی مرکزی ترجمان مریم اورنگزیب نے میڈیا سے گفتگو میں کہا کہ حکومتی نااہلی کی وجہ سے آج لوگ پریشانی کا شکار ہیں جبکہ وزیر اعظم عمران  خان کے فیصلوں سے 14 ہزار ارب روپے کا قرض بڑھ گیا۔

انہوں نے کہا کہ کابینہ فیصلوں سے گیس اور بجلی کی قیمتیں بڑھیں۔ حکومت چینی برآمد کرنے کا حکم دے اور پنجاب کو سبسڈی دینے کی ہدایت کرے۔

رہنما مسلم لیگ ن نے کہا کہ شہباز شریف کو عدالت نے باہر جانے کی اجازت دی اور عدالت نے بھی حکومتی پٹیشن کو مسترد کیا تھا۔

انہوں نے کہا کہ لنگر خانے کھل رہے ہیں اور بیرون ملک سے چاول مل رہے ہیں۔ آٹے کی مد میں ڈاکہ ڈل جائے تو وزیر کو ہٹا دو۔ کنٹینر پر کھڑے ہو کر الزام لگاؤ اور وزیر اعظم بن کر بھی صرف الزامات ہی لگاؤ۔

مریم اورنگزیب نے کہا کہ شہباز شریف کے خلاف کرپشن، کک بیکس اور کمیشن کا کوئی ثبوت نہیں ملا۔ کیا شہباز شریف وزیر اعلیٰ ہیں کہ وہ ریکارڈ ٹیمپرڈ کرسکتے ہیں ؟

0 Reviews

Write a Review

Read Previous

کورونا کی تیسری لہر خطرناک، مزید 135 افراد دم توڑ گئے، 2 ہزار 566 مریضوں کا اضافہ

Read Next

بھارت: سمندری طوفان سےجہاز ڈوب گیا، 127افرادلاپتہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے