• مئی 24, 2022

ملک میں کورونا کی وبا: 24 گھنٹے میں 11 افراد انتقال کر گئے، 953 نئے مریض

اسلام آباد: (ویب ڈیسک) کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران مثبت کیسز کی شرح دو اعشاریہ پانچ نو فیصد ریکارڈ کی گئی۔ کورونا وائرس سے 11 افراد جاں بحق ہوگئے، جس کے بعد اموات کی تعداد 30 ہزار 248 ہوگئی۔ پاکستان میں کورونا کے تصدیق شدہ کیسز کی تعداد 15 لاکھ 12 ہزار 707 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 953 نئے کیسز رپورٹ ہوئے، پنجاب میں 5 لاکھ 2 ہزار 264، سندھ میں 5 لاکھ 69 ہزار 338، خیبرپختونخوا میں 2 لاکھ 16 ہزار 614، بلوچستان میں 35 ہزار 361، گلگت بلتستان میں 11 ہزار 543، اسلام آباد میں ایک لاکھ 34 ہزار 519 جبکہ آزاد کشمیر میں 43 ہزار 68 کیسز رپورٹ ہوئے۔

ملک بھر میں اب تک 2 کروڑ 65 لاکھ 70 ہزار 773 افراد کے ٹیسٹ کئے گئے، گذشتہ 24 گھنٹوں کے دوران 36 ہزار 678 نئے ٹیسٹ کئے گئے، اب تک 14 لاکھ 51 ہزار 665 مریض صحتیاب ہوچکے ہیں جبکہ 890 مریضوں کی حالت تشویشناک ہے۔

پاکستان میں کورونا سے ایک دن میں 11 افراد جاں بحق ہوئے، جس کے بعد وائرس سے مرنے والوں کی تعداد 30 ہزار 248 ہوگئی۔ پنجاب میں 13 ہزار 513، سندھ میں 8 ہزار 83، خیبرپختونخوا میں 6 ہزار 283، اسلام آباد میں ایک ہزار 14، بلوچستان میں 376، گلگت بلتستان میں 191 اور آزاد کشمیر میں 788 مریض جان سے ہاتھ دھو بیٹھے۔

0 Reviews

Write a Review

Read Previous

شوہر نے میری اچھی تصویریں لینے کیلئے کورس کیا: ثانیہ شمشاد

Read Next

Such Bolo With Saqib Saleem Qureshi | A1Tv | 03 March 2022

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے