• جون 24, 2021

ملک میں آج سے تعلیمی سرگرمیوں کا آغاز ہو گیا

اسلام آباد: ملک میں آج سے تعلیمی سرگرمیوں کا باقاعدہ آغاز ہو گیا اور ملک کے تین صوبوں میں دسویں سے بارہویں جماعت تک کی کلاسوں کا آغاز کر دیا گیا۔

وفاقی دارالحکومت اسلام آباد سمیت پنجاب، خیبر پختونخوا اور بلوچستان میں آج سے تعلیمی ادارے کھل گئے اور تعلیمی سرگرمیوں کا باقاعدہ آغاز ہو گیا۔

کورونا کیسز میں کمی کے بعد صوبوں کی وزارت تعلیم نے مرحلہ وار تعلیمی سرگرمیوں کا آغاز کر دیا۔ تینوں صوبوں میں دسویں سے بارہویں جماعت تک کلاسز آج سے شروع ہو گئیں۔

کھلنے والے تمام تعلیمی اداروں میں مکمل طور پر ایس او پیز کا خیال رکھا جائے گا اور اسکولوں میں 50 فیصد حاضری کے تحت طلبا کو آنے کی اجازت ہو گی۔

وزیر تعلیم پنجاب مراد راس نے دسویں سے بارہوں جماعت تک کی کلاسز کے شروع کرنے کا اعلان کرتے ہوئے کہا کہ اسکولوں میں ایس او پیز کا خاص خیال رکھا جائے۔

وزیر تعلیم خیبر پختونخوا نے کہا کہ امتحانات کی تیاری کے لیے اسکول کھولے جا رہے ہیں۔

وفاقی وزیر تعلیم کے مطابق ملک بھر میں تمام کلاسز کا باقاعدہ آغاز 7 جون سے کر دیا جائے گا۔

بلوچستان حکومت کے جاری کردہ نوٹیفکیشن کے مطابق آج سے کالجز کھول دیے گئے ہیں اور کالجز این سی او سی کی ہدایت کے مطابق کھولے جا رہے ہیں۔ نوٹیفکیشن میں ایس او پیز کا خاص خیال رکھنے کی ہدایت کی گئی ہے۔

0 Reviews

Write a Review

Read Previous

گوگل نے اینڈرائڈ کیلئے “اسکرین شاٹ فیچر” متعارف کر دیا

Read Next

ماؤنٹ ایورسٹ سر کرنے والا ایشیا کا پہلا نابینا شخص

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے