• ستمبر 30, 2022

ملک بھر میں 26 لاکھ طلبا کو اسکالر شپس دیں گے، فرخ حبیب

فیصل آباد: وزیر مملکت فرخ حبیب نے کہا ہے کہ ملک بھر میں 26 لاکھ طلبا کو اسکالر شپس دیں گے۔

وزیر مملکت اطلاعات و نشریات فرخ حبیب نے کانووکیشن سے خطاب کرتے ہوئے کہا کہ وزیراعظم عمران خان ملک کے نوجوانوں کے ہاتھ میں قلم دیکھنا چاہتے ہیں اور ان کی کوشش ہے کہ کوئی بھی بچہ پیسے کی کمی کے باعث تعلیم سے محروم نہ رہ جائے۔

انہوں  نے کہا کہ وزیر اعظم نے اسکالر شپ پورٹل کا افتتاح کر دیا ہے اور اب ملک بھر میں 26 لاکھ طلبا کو اسکالرشپس دیں گے۔

فرخ حبیب نے کہا کہ اسکالر شپس میرٹ کی بنیاد پر دی جائیں گی جبکہ 2 لاکھ اسکالر شپس اعلیٰ تعلیم کے لیے دی جائیں گی۔ 45 ہزار سے کم تنخواہ والوں کی اسکالر شپ کا خرچ حکومت اٹھائے گی۔

انہوں نے کہا کہ حکومت ٹیکنیکل یونیورسٹیز بھی بنا رہی ہے اور نوجوانوں کو تکنیکی تعلیم بھی دیں گے۔ ٹیکنیکل تعلیم کے حوالے سے ہم ایک لاکھ اسکالر شپس دے رہے ہیں۔

وزیر مملکت کا کہنا تھا کہ تعلیم کے شعبے میں مزید اصلاحات لا رہے ہیں۔ کانووکیشن میں طلبا کو محنت کا ثمر ملتا ہے اور اس کے بعد طلبا کی عملی زندگی کا آغاز ہوتا ہے، طلبا کو نوکری لینے کی بجائے دینے والا بننا چاہیے۔

0 Reviews

Write a Review

Read Previous

انسٹاگرام اسٹوریز کو لائک کرنے پر ان باکس میں میسج نہیں جائے گا

Read Next

مدینہ منورہ تنہاسفر کرنے والی خواتین کے لیے محفوظ ترین شہر قرار

Leave a Reply

آپ کا ای میل ایڈریس شائع نہیں کیا جائے گا۔