• جون 22, 2021

معاشی استحکام کیساتھ اسلام آباد کو ایک مثالی شہر بنانے کا وقت آ چکا: وزیراعظم

اسلام آباد: وزیراعظم نے کہا ہے کہ معاشی استحکام حاصل ہونے کے ساتھ ساتھ اب اسلام آباد کو ایک مثالی شہر بنانے کا وقت آ چکا ہے، اس مقصد کیلئے اصلاحات اور تنظیم نو ترجیح ہوگی۔

 سماجی رابطوں کی ویب سائٹ ٹویٹر پر جاری اپنے ایک بیان میں وزیراعظم عمران خان کا کہنا تھا کہ معاشی بدلاؤ اور تعمیراتی پالیسی کے مختلف شعبوں پر اثرات سامنے آنا شروع ہو گئے، پاکستان بدل رہا ہے، دیوالیہ کے قریب پہنچ جانے والا وفاقی ترقیاتی ادارہ سی ڈی اے جو کہ 2017 میں 5 ارب 80 کروڑ روپے خسارے میں تھا اب اس کے اکاؤنٹس میں 26 ارب روپے موجود ہیں، رواں مالی سال کے اختتام پر سی ڈی اے اکاؤنٹ 73 ارب روپے سرپلس میں ہوگا۔

 وزیراعظم نے کہا کہ دوسرے بڑے شہر بھی عزم، شفافیت اور جدت کے ذریعے خود انحصار اور ترقی کے مراکز بن سکتے ہیں۔ عمران خان نے اپنے پیغام میں سی ڈی اے کی کارکردگی کو سراہتے ہوئے حکام کو شاباش دی۔

0 Reviews

Write a Review

Read Previous

پی ایس ایل پوائنٹ ٹیبل پر کراچی کنگز سرفہرست، گلیڈی ایٹرز آخری نمبر پر براجمان

Read Next

ملتان: فنڈز کی کمی کے باعث 345 ترقیاتی منصوبوں میں سے تاحال کوئی مکمل نہ ہو سکا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے