• اپریل 14, 2021

مسلم لیگ ن کے رہنما کیخلاف بغاوت پر اکسانے کا مقدمہ درج

لاہور: مسلم لیگ ن کے رہنما اور رکن قومی اسمبلی جاوید لطیف کے خلاف بغاوت پر اکسانے کا مقدمہ درج کر لیا گیا۔

ذرائع کے مطابق مسلم لیگ ن کے رہنما اور رکن قومی اسمبلی جاوید لطیف کے خلاف ریاست سے بغاوت اور سائبر کرائم ایکٹ کا مقدمہ درج کیا گیا ہے۔ جاوید لطیف کے خلاف مقدمہ ٹاؤن شپ کے رہائشی جمیل سلیم کی مدعیت میں لاہور کے تھانہ ٹاؤن شپ میں درج کیا گیا۔

ایف آئی آر کے متن کے مطابق جاوید لطیف نے اپنے بیان سے عوام میں خوف ہراس پھیلایا جبکہ جاوید لطیف نے حکومت اور ریاستی اداروں کے خلاف گفتگو کی۔

واضح رہے کہ نجی ٹی وی کے پروگرام میں مسلم لیگ ن کے رہنما جاوید لطیف نے کہا تھا کہ بے نظیر کی ہلاکت پر تو آصف زراری نے پاکستان کھپے کہہ دیا تھا لیکن اگر مریم نواز کو کچھ ہوا تو پھر پاکستان نہیں کپھے گا۔

جاوید لطیف کا کہنا تھا کہ اگر مریم نوازکو کچھ ہوا تو پھر مشرقی پاکستان والی تاریخ دہرائیں گے۔

0 Reviews

Write a Review

Read Previous

مہنگائی مہاراج کا دور، اشیاء ضروریہ تک عوام کی رسائی محال

Read Next

ماسکو کانفرنس: دوستم کا فوجی یونیفارم اور غیرحاضر بھارت

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے