• اپریل 18, 2021

مریم نواز کی طبیعت پھر ناساز

مسلم لیگ ن کی مرکزی نائب صدر مریم نواز کی طبیعت ایک مرتبہ پھر ناساز ہو گئی ہے۔ 

مسلم لیگ ن کے ذرائع کے مطابق مریم نواز کو گلے میں شدید درد کی شکایت  ہے، مریم نواز نے ڈاکٹروں کے کہنے پر ایک مرتبہ پھر کورونا ٹیسٹ کروا لیا ہے۔

ن لیگی رہنما عطااللہ تارڑ کا اس ضمن میں کہنا ہے کہ مریم نواز ٹھیک ہو کر سیاسی سرگرمیوں میں حصہ لیں گی۔ قبل ازیں مریم نواز  کے گلے کے درد میں بہتری اور بخار اترنے کی خبر آئی تھی۔

 

مریم نواز کے خاندانی ذرائع نے ہم نیوز کو بتایا تھا کہ مریم نواز سیاسی مصروفیات دوبارہ سے شروع کریں گی، انہوں نے حمزہ شہباز کو فون کیا اور ڈسکہ الیکشن کے حوالے سے گفتگو بھی کی تھی۔

مریم نواز اور حمزہ شہباز نے ڈسکہ الیکشن سے متعلق موثر حکمت عملی پر تبادلہ خیال کیا۔

اس موقع پر مریم نواز کا کہنا تھا کہ سپریم کورٹ کا فیصلہ ن لیگ کے مؤقف کی جیت ہے، ڈسکہ الیکشن کے حوالے لیگی رہنماؤں کی ڈیوٹیز لگائی جائیں۔

خیال رہے کہ اس سے قبل مریم نواز کی طبیعت ناساز تھی جس کی وجہ سے انہوں نے تمام سیاسی سرگرمیاں معطل کررکھی تھیں۔

سابق وزیر اعظم نواز شریف کے ذاتی معالج ڈاکٹر عدنان مسلم لیگ ن کی نائب صدر مریم نواز کی خرابی صحت کے باعث لندن سے لاہور پہنچے تھے۔

ہم نیوز کے ذرائع کے مطابق مسلم لیگ ن کے قائد اور مریم نواز کے والد نواز شریف کی ہدایت پر ڈاکٹر عدنان مریم نواز کا چیک اپ کیا۔

 

ڈاکٹر عدنان کی ہدایت پر مریم نواز کے مختلف ٹیسٹ لے لیے گئے، ٹیسٹ رپورٹس کے بعد آئندہ کے علاج کا طریقہ وضع کیا جانا تھا۔

0 Reviews

Write a Review

Read Previous

ملک میں رمضان المبارک اور عید کا چاند ایک ہو گا، مولانا طاہر اشرفی

Read Next

مسجد کے چندہ بکس سے بڑی رقم چوری کرنے والا گرفتار

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے