• دسمبر 7, 2021

محفوظ شہری ہوابازی سے متعلق موبائِل ایپ متعارف

 سول ایوی ایشن اتھارٹی نے محفوظ شہری ہوابازی سے متعلق موبائِل ایپ متعارف کرادی ہے۔

ترجمان سول ایوی ایشن کے مطابق محفوظ شہری ہوابازی سے متعلق موبائِل ایپ متعارف کرائی گئی ہے جس سے شہری اور ایوی ایشن سے وابستہ سٹیک ہولڈرزواقعہ، مسئلہ اور بے قاعدگی رپورٹ کرسکیں گے۔

ایپلی کیشن پر حادثات،غفلت،کوتاہی اور مختلف خطرات سے متعلق معلومات رپورٹ کی جاسکیں گی جبکہ ایپ کا مقصد عوام اور ایوی ایشن سے وابستہ سٹیک ہولڈرز کو کسی واقعہ مسئلہ یا بے قاعدگی کو سی اے اے کو رپورٹ کرنے کیلئے آسان پلیٹ فارم مہیا کرنا ہے۔

رپورٹ کرنے والا شخص تصاویر کے ساتھ اپنا بیان بھی اپ لوڈ کرسکتا ہے جبکہ ایپ استعمال کرتے وقت رپورٹ کرنے والا شخص اپنی شناخت ظاہر کرنے کا پابند نہیں۔

ترجمان کا کہنا تھا کہ شہری یا مسافر کسی خطرے یا واقعے سے متعلق اطلاع بھی ویب سائٹ پر دے سکتے ہیں جبکہ سول ایوی ایشن اتھارٹی قواعد کی خلاف ورزی سے متعلق عدم برداشت کی پالیسی پر کاربند ہے۔

0 Reviews

Write a Review

Read Previous

Haqeqat Kia Hae | Agha Sajid Shah | A1Tv | 19 November 2021

Read Next

ناجائز تجاوزات کو ختم کر کے واگزار اراضی پر جنگلات اُگانے کا منصوبہ بنایا جائے: وزیراعظم

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے