• جون 24, 2021

ماہرہ خان نے فلسطین کے حق میں آواز بلند کر دی

بین الاقوامی شہرت یافتہ پاکستانی اداکارہ ماہرہ خان نے اسرائیلی بربریت کا شکار فلسطینیوں کے حق میں آواز بلند کر دی۔ 

فلسطین کے حق میں اور اسرائیل کے خلاف پاکستانی فنکاروں کی جانب سے مذمتی بیانات کا سلسلہ جاری ہے۔

ماہرہ خان نے فوٹو اور ویڈیو شیئرنگ ایپلیکشن (ایپ) انسٹاگرام پر فلسطین کے حق میں ایک پوسٹ شیئر کی ہے جس کے ساتھ انہوں نے تحریر کیا کہ اگر ہم خاموش ہیں تو پھر ہمارے ہاتھ بھی اسی خون سے رنگین ہیں۔

اداکارہ نے پوسٹ میں فلسطین کے جھنڈے کے ساتھ ہارٹ ایموجی جوڑ کر کواج کی تصویر بھی شیئر کی۔

قبل ازیں پاکستانی اداکارہ صبا قمر نے سوشل میڈیا کی سائٹ انسٹا گرام پر اپنے اکاؤنٹ پر فلسطینیوں پہ کی جانے والی وحشیانہ بمباری کی اسٹوری شیئر کی تھی۔

انہوں نے معصوم بچوں سمیت مظلوموں کی شہادت پر غم و غصے کا بھی اظہار کیا تھا۔

فلم و ٹی وی کی اداکارہ صبا قمر نے ایک تصویر شیئر کی جس میں ایک معصوم فلسطینی بچہ ہاتھ میں مسجد الاقصٰی کی تصویر اور فلسطین کا جھنڈا تھامے اداس کھڑا تھا۔

صبا قمر نے تصویر شیئر کرتے ہوئے لکھا کہ خدا کے لیے فلسطین کو سانس لینے دو۔

0 Reviews

Write a Review

Read Previous

وفاقی کابینہ کا اجلاس، اہم فیصلے متوقع

Read Next

اداکار سلمان خان یا پرویز قاضی: فلم رادھے میں ایکشن ہیرو کون ؟

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے