• نومبر 27, 2020

لیگی رہنما جاوید ہاشمی نے مڈٹرم انتخابات کی پیشگوئی کردی

مسلم لیگ ن کے سینئیر رہنما مخدوم جاوید ہاشمی نے کہا ہے کہ دسمبر میں تبدیلی آئے گی اور مڈ ٹرم انتخابات دیوار پر لکھے جاچکے ہیں۔ ملتان میں اپنی رہائش گاہ پر پریس کانفرنس کرتے ہوئے جاوید ہاشمی کاکہنا تھاکہ مڈٹرم انتخابات دیوار پرلکھے ہوئے ہیں، ملک میں سیاسی بحران گہرا ہوتا جارہا ہے جب کہ پاکستان ڈیموکریٹک موومنٹ (پی ڈی ایم) بہت کامیابی اور بہترین حکمت عملی سے آگے بڑھ رہی ہے۔ جاوید ہاشمی کاکہنا تھا کہ ملکی حالات کا حل پی ڈی ایم نے اپنے اتحاد میں بتادیا ہے، ملک میں مہنگائی اور  بے روزگاری میں اضافہ ہوا ہے اور  ملک میں قحط زدہ ممالک سے بھی برے حالات ہیں۔ سینیئر سیاستدان کا کہنا تھا کہ عوام کی یہ بدقسمتی ہےکہ حکمران ان کے زخموں پر مرہم رکھنےکےلیے تیار نہیں اوراب عوام بھی عمران خان کی پالیسیوں پر اعتبار کرنے کو تیار نہیں۔  ان کا کہنا تھا کہ ٹائیگر فورس مہنگائی کنٹرول کرنےکے لیے بنائی گئی تھی لیکن اسے سیاسی مقاصد کے لیے استعمال کیا جارہا ہے۔

0 Reviews

Write a Review

Read Previous

مزار قائد کی حرمت کو ٹھیس پہنچانے کی اجازت نہیں دیں گے،شبلی فراز

Read Next

جوبائیڈن صدارتی انتخاب جیت گئے،توکرسمس سیزن منسوخ کردوں گا،ڈونلڈ ٹرمپ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے