• نومبر 27, 2020

قومی احتساب بیورو(نیب) لاہور نے اپنی تین سالہ کارکردگی رپورٹ جاری کردی

لاہور:قومی احتساب بیورو (نیب) لاہور کی جانب سے جاری تین سالہ کارکردگی رپورٹ میں کہا گیا ہے کہ قومی ادارے پر شہریوں کا اعتماد 220 فیصد بڑھا جبکہ گزشتہ برسوں کی نسبت ان تین سالوں میں 890 فیصد ریکوری کی گئی۔ رپورٹ میں کہا گیا ہے کہ ڈی جی نیب لاہور شہزاد سلیم کی سربراہی میں نیب لاہور کی کارکردگی مثالی رہی۔ نیب پر شہریوں کا اعتماد تین سال میں 220 فیصد بڑھا۔ نیب لاہور کو 33911 شکایات موصول ہوئیں جبکہ پلی بارگین کے تحت 15 ارب 81 کروڑ 70 لاکھ روپے ریکور کیے گئے۔ اس کے علاوہ نیب لاہور نے 53 ارب 52 کروڑ 20 لاکھ روپے ریکور کیے اور 58790 افراد کو ریلیف فراہم کیا۔ قومی ادارے کی جانب سے 73 ارب 23 کروڑ 70 لاکھ روپے کے ریفرنسز فائل کیے گئے۔ نیب لاہور کے مطابق تین سالوں میں کیسز میں 78 فیصد ملزمان کو سزائیں ہوئیں۔ نیب لاہور نے 3 سال میں 655 افراد کو گرفتار کیا۔ 2017ء سے قبل اور موجودہ سالوں کی نسبت شہریوں نے تین سالوں میں نیب میں دوگنا شکایات جمع کروائیں۔ گزشتہ برسوں کی نسبت نیب لاہور نے سالانہ 280 فیصد پلی بارگین کے تحت ریکوری کئے جبکہ گزشتہ برسوں کی سالانہ 160 فیصد فراڈ اور خزانے کو نقصان پہنچانے کے الزام میں افراد گرفتار کئے گئے۔
 

0 Reviews

Write a Review

Read Previous

مریم نواز شریف”شیر جوان” فورس کی تشکیل کیلئے طلبا وطالبات سے ملاقاتیں کریں گے

Read Next

بھارت افغانستان میں ماضی کی غلطیاں نہ دہرائے،گلبدین حکمت یار

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے