• جون 22, 2021

فخر زمان کی سالگرہ پر آئی سی سی کی مبارکباد

قومی کرکٹ ٹیم کے اوپنر فخر زمان کی 31ویں سالگرہ پر انٹرنیشنل کرکٹ کونسل (آئی سی سی) نے انہیں مبار کباد دی ہے۔ 

آئی سی سی کے ویریفائیڈ ٹوئٹر اکاؤنٹ پر فخر زمان کی تصویر شیئر کی گئی اور ساتھ میں لکھا گیا کہ ’فخر زمان کو سالگرہ مبارک جو کہ آج 31 سال کے ہو گئے ہیں‘۔

آئی سی سی کی جانب سے جاری کردہ پیغام میں یہ بھی لکھا گیا کہ گزشتہ ہفتے جنوبی افریقہ کے خلاف شاندار اننگز کے بعد یہ ایک اور موقع ہے کہ وہ خوشیاں منائیں۔

بائیں ہاتھ سے کھیلنے والے فخر زمان کا تعلق خیبر پختون خوا کے ضلع مردان کے علاقے کاٹلنگ سے ہے وہ 5 بھائیوں میں سب سے چھوٹے ہیں۔

فخر زمان نے آئی سی سی چیمپیئنز ٹرافی میں بھارت کے خلاف فائنل میچ میں سینچری اسکور کر کے پاکستان کی فتح میں اہم کردار ادا کیا تھا۔

چند روز قبل جنوبی افریقہ کے خلاف سیریز کے دوسرے ون ڈے میں اوپنر بلے باز نے 150 گیندوں پر 193 رنز کی یادگار اننگز کھیلی تھی جس میں 10 چھکے اور 15 چوکے شامل تھے۔

 

اس اننگز کے ساتھ ہی فخر زمان نے کئی اعزاز اپنے نام کر لیے تھے جن میں ون ڈے انٹرنیشنل میں ہدف کے تعاقب میں سب سے بڑا انفرادی اسکور بنانے والے بلے باز کا اعزاز شامل ہے۔

اس کے علاوہ فخر زمان ون ڈے کرکٹ کی تاریخ میں دوسری اننگز میں سب سے بڑا انفرادی اسکور بنانے والے کھلاڑی بھی بن گئے تھے۔

اس یادگار اننگز کے بعد فخر زمان پاکستان اور بھارت میں ٹوئٹر پر ٹاپ ٹرینڈ بھی بنے تھے۔

0 Reviews

Write a Review

Read Previous

ڈسکہ ضمنی انتخاب: پولنگ جاری، ن لیگ اور پی ٹی آئی میں کانٹے کا مقابلہ متوقع

Read Next

اسلام آباد: کورونا ایس او پیز کی خلاف ورزی پر 10 ریسٹورنٹس سیل

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے