• جون 22, 2021

غلطی کا ازالہ: عفت عمر مستحق افراد کو نجی اسپتال سے ویکسین لگوائیں گی

اسلام آباد: ملک کی ممتاز اداکارہ و ماڈل عفت عمر نے اپنی غلطی کا ازالہ کرنے کے لیے 10 مستحق افراد کو اپنے خرچ پر نجی اسپتال سے کورونا ویکسینا لگوانے کا اعلان کیا ہے۔

عفت عمر پر گزشتہ ماہ سے سماجی رابطوں کی ویب سائٹس پر بے پناہ تنقید ہو رہی ہے کیونکہ انہوں نے اپنی باری کا انتظار کیے بغیر ایک وفاقی وزیر کے گھر میں جا کرکورونا ویکسین لگوائی تھی۔

سماجی رابطوں کی ویب سائٹس پر ویکسین لگوانے کی ویڈیو وائرل ہوئی تو لوگوں نے وفاقی وزیر سمیت عفت عمر کو بھی آڑے ہاتھوں لیا اور بے پناہ نکتہ چینی کا نشانہ بنایا۔

میڈیا رپورٹس کے مطابق وفاقی وزیر کا تعلق موجودہ حکمراں جماعت کی ایک سیاسی اتحادی جماعت سے ہے۔ اس ضمن میں صارفین اس لیے تنقید کررہے تھے کہ دو بے ضابطگیاں ہوئی تھیں۔

اول ویکسین گھر پہ لگوائی گئی تھی جس کا کوئی بھی مجاز نہیں ہے اور دوئم عمر کے حساب سے وہ ویکسین لگوانے کے اہل نہیں تھے۔

سوشل میڈیا پر ہونے والی تنقید کے بعد ماڈل و اداکارہ عفت عمر نے باقاعدہ معذرت کی تھی جس کے جواب میں بھی صارفین نے اپنی آرا کا اظہار کیا تھا۔

عفت عمر نے تین دن قبل جب معذرت کی تو اور اپنے فعل پر نادم ہوتے ہوئے معافی مانگی اور وعدہ کیا کہ وہ اس طرح دوسری خوراک نہیں لگوائیں گی تو ایک صارف نے کہا کہ معافی مانگنا اچھا عمل ہے لیکن کیا ہی بہتر ہو کہ عفت عمر مستحقین کو اپنے خرچ پرنجی اسپتال سے ویکسین لگوائیں۔

ماڈل و اداکارہ عفت عمر نے اس کے جواب میں کہا کہ وہ 10 افراد کو اپنے خرچ پر نجی اسپتال سے ویکسین لگوائیں گی۔

0 Reviews

Write a Review

Read Previous

اسلام آباد کے معمر افراد کیلئے قومی ادارہ صحت کی موبائل کورونا ویکسینیشن مہم

Read Next

اداکارہ اقرا عزیز کی والدہ کریم کی پہلی خاتون ڈرائیور

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے