• جنوری 17, 2022

عمران خان کے افتتاح سے پہلے ن لیگ نے گرین لائن منصوبے کا علامتی افتتاح کر دیا

کراچی: عمران خان کے افتتاح سے پہلے احسن اقبال نے کراچی کے علاقے نظام آباد میں گرین لائن منصوبے کا علامتی افتتاح کر دیا۔ انہوں نے کہا کہ سندھ کی ترقی کا سفر موجود حکومت نے ختم کر دیا، گرین لائن بس منصوبہ ہم نے شروع کیا تھا۔

پاکستان مسلم لیگ نون کے رہنما احسن اقبال نے دیگر رہنماؤں کے ہمراہ میڈیا سے گفتگو کرتے ہوئے کہا کہ کراچی میں امن قائم کیا، ہم نے کراچی کی معیشت کا پہیہ دوبارہ چلایا، سکھر سے ملتان موٹروے ن لیگ کے دور میں مکمل ہوئی، حکومت رینجرز سے بھی پولیس والا کام لے رہی ہے، اس حکومت کو شرم آنی چاہیے جو نہتے سیاسی کارکنوں پر ظلم کرتے ہیں۔

احسان اقبال کا کہنا تھا کہ میں نے پہلے بھی گولیاں کھائی ہیں، آج کراچی والوں کیلئے لاٹھیاں کھائیں، اس پر مجھے فخر ہے، موجودہ حکومت نے گرین لائن منصوبے پر کوئی کام نہیں کیا، منصوبے سے روزانہ لاکھوں لوگ فائدہ اٹھائیں گے۔

0 Reviews

Write a Review

Read Previous

Headlines | 09 December 2021 | A1 TV

Read Next

زیارت میں کسٹم کی کارروائی، سمگل شدہ ٹائرز، سگریٹس اور چھالیہ برآمد

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے