• نومبر 25, 2020

علامہ ناصر مدنی کے عمران خان کو مفید مشورے

معروف عالم دین علامہ ناصر مدنی نے حج کے اخراجات میں اضافے  پر اپنے مخصوص انداز میں تنقید کرتے ہوئے کہا کہ اگر  حکومت کے پاس پیسے نہیں تو  عمران خان اپنا بنی گالا بیچیں اور عازمین حج کو سہولت فراہم کریں۔

معروف عالم دین علامہ ناصر مدنی کی سوشل میڈیا پر ایک بیان کی ویڈیو وائرل ہوئی جس میں انہوں نے پاکستان تحریک انصاف (پی ٹی آئی) کی حکومت پر خوب برہمی کا اظہار کیا۔

وزیر اعظم عمران خان کو آڑے ہاتھوں لیتے ہوئے انہوں نے کہا کہ 2017ء میں امیر المومنین کہتے تھے کہ میں یوں کردوں گا، میں وہ کردوں گا اور اب 2020ء میں کہتے ہیں کہ اس تنخواہ میں میرا اپنا گزارا نہیں ہوتا۔

علامہ ناصر مدنی نے غصے سے کہا کہ امیر المومنین مدینے کی ریاست کے نام لیوا لوگوں کو مدینے ہی نہیں جانے دے رہے۔

علامہ ناصر مدنی نے حکومت پر شدید تنقید کرتے ہوئے کہا کہ حکومت نے ڈھائی لاکھ روپے کا حج 5 لاکھ 68 ہزار روپے کا کر دیا ہے اگر حکومت کے پاس پیسے نہیں تو عمران خان اپنا بنی گالا کا گھر اور وزراء اپنی گاڑیاں بیچیں اور عازمین حج کو سہولت فراہم کریں۔

اس حوالے سے مذہبی اسکالر مفتی قوی کا کہنا ہے کہ علامہ ناصر مدنی کا اپنا مخصوص انداز ہے اور مزاحیہ انداز میں اہم معاملات پر وہ بات کہہ دیتے ہیں۔

 

0 Reviews

Write a Review

Read Previous

کورونا وائرس: چین میں موجود پاکستانی شہریوں کو وطن واپس نہیں لانا، فیصلے پر قائم ہیں، ڈاکٹر ظفر مرزا

Read Next

ترکی کے ایک آرٹسٹ کا ایک انڈے کے چھلکے پر 12 ہزار سوراخ کر کے عالمی ریکارڈ قائم

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے