• اکتوبر 26, 2021

عثمان بزدار کی ہدایت پر جیلوں کیلئے ایک ہزار سے زائد عملے کی بھرتی کا آغاز

لاہور: پنجاب کے جیل نظام میں اصلاحات کیلئے اہم اقدامات، عثمان بزدار کی خصوصی ہدایت پر جیلوں کیلئے ایک ہزار سے زائد عملے کی بھرتی کا آغاز کر دیا گیا۔

وزیراعلیٰ پنجاب عثمان بزدار کی زیر صدارت جیل نظام میں اصلاحات کے لئے اجلاس کیا گیا، جس میں پریزن پیکیج کے خدوخال کا جائزہ لیا گیا۔ وزیراعلیٰ نے 4930 وارڈن کی بھرتی کی اصولی منظوری دے دی۔ عثمان بزدار نے جیلوں میں ڈاکٹرز اور پیرا میڈیکل سٹاف کی خالی آسامیاں پر کرنے کی بھی ہدایت کر دی۔

عثمان بزدار نے محکمہ جیل خانہ جات میں 44 ماہر نفسیات کی بھرتی مکمل ہونے پر اطمینان کا اظہار کیا۔ انہوں نے کہا کہ قیدیوں کو معیاری کھانا فراہم کرنے کیلئے درکار بجٹ کی فراہمی یقینی بنائی جائے، قیدیوں پر تشدد اور غیر انسانی سلوک کے خاتمے کیلئے قابل عمل سفارشات مرتب کی جا ئیں۔ وزیراعلیٰ کو بریفنگ میں بتایا گیا کہ قیدی فون پر دوران کال کوڈ دبا کر اپنی شکایت کا اندراج کرا سکتے ہیں، قیدیوں کی 489 شکایات پر کارروائی عمل میں لائی گئی۔

0 Reviews

Write a Review

Read Previous

سجل علی اور احد رضا میر نے خاموشی توڑ دی

Read Next

یوسف رضا گیلانی کو اسلام آباد ائیرپورٹ پر بیرون ملک جانے سے روک دیا گیا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے