• دسمبر 5, 2021

شرح سود میں اضافہ ملکی صنعت کیلئے پھانسی کا پھندہ ہے: مفتاح اسماعیل

اسلام آباد: پاکستان مسلم لیگ ن کے سینئر رہنما مفتاح اسماعیل نے شرح سود میں اضافے کو ملکی صنعت کے لیے پھانسی کا ایک اور پھندہ قرار دیتے ہوئے کہا کہ پاکستان کی موجودہ مہنگائی شرح سود میں کمی کی وجہ سے نہیں۔ عمران نیازی حکومت پہلے بھی شرح سود بڑھا کر ملکی معیشت کو ریورس گئیر لگا چکی ہے ، ایک بار پھر تیزی سے شرح سود بڑھائی جارہی ہے۔

سٹیٹ بینک آف پاکستان کی طرف سے بنیادی شرح سود میں اضافے پر رد عمل دیتے ہوئے پاکستان مسلم لیگ ن کے سینئر رہنما کا کہنا تھا کہ شرح سود کے بڑھنے سے صرف صنعتی پیداوار میں کمی ہوگی اور حکومت کے اخراجات بڑھیں گے۔ڈیڑھ فیصد سود بڑھانے سے مہنگائی کم نہیں ہوگی، نجی شعبے کو مزید مشکلات اور سست روی کا سامنا کرنا پڑے گا، بنیادی شرح سود سوا سات سے پونے 9 فیصد کرنے سے حکومت کی سود کی ادائیگی میں 400 ارب سالانہ کامزید اضافہ ہو گا، مہنگائی اور روپے کی قدرمیں کمی روکنے کے لئے دو سال پہلے بھی یہ کام حکومت نے کیاتھا، اس اقدام سے پہلے بھی مہنگائی رُکی نہ روپے کی قدر میں کمی ہوئی بلکہ معیشت مزید کساد بازاری کی نظر ہوگئی تھی۔

ان کا کہنا تھا کہ عمران نیازی حکومت پہلے بھی شرح سود بڑھا کر ملکی معیشت کو ریورس گئیر لگا چکی ہے ، ایک بار پھر تیزی سے شرح سود بڑھائی جارہی ہے، پہلے بھی معیشت سست روی کاشکار ہوئی تھی، پھر ہوگی، شرح سودمیں اتنا تیزی سے اضافہ کرکے ملک میں آگ لگاتی ہوئی مہنگائی پر قابو کیسے پایا جا سکتا ہے؟، اس اقدام سے مہنگائی پر قابو پایا جائے گا نہ ہی روپے کی گرتی ہوئی قیمت کو روکا جا سکے گا، اکتوبر میں تاریخ کا سب سے بلند 15 ارب ڈالر سے زائد کرنٹ اکاﺅنٹ خسارہ ہونے جارہا ہے، جب 75 ارب ڈالر کی امپورٹ دکھائی دے رہی ہوں تو روپے کی گرتی ہوئی قدر روکنا ممکن نظر نہیں آتا۔

مفتاح اسماعیل کا کہنا تھا کہ حکومت اپنے شاہی اخراجات کم کرے، درآمدی اور دیگر شعبہ جات کو سستی گیس دی جائے، صنعت چلائیں تاکہ ملک سے زیادہ سے زیادہ برآمد اور کم سے کم درآمد ہو، مہنگائی کم کرنے کے لیے حکومت بجلی کے نرخوں میں کمی کرے، پٹرول کی قیمتوں کو کم کرنے سمیت عوام اورمعیشت کو ریلیف دیاجائے۔ پاکستان کی موجودہ مہنگائی شرح سود میں کمی کی وجہ سے نہیں۔

0 Reviews

Write a Review

Read Previous

الیکٹرانک ووٹنگ مشین کیلئے 150 ارب کی باتیں درست نہیں: سینیٹر شبلی فراز

Read Next

ڈرون بھی ‘ناک والے’ ہوگئے، ہسپانوی ماہرین کا تجربہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے