• اپریل 18, 2021

شاداب خان دورہ جنوبی افریقہ اور زمبابوے سے باہر

قومی کرکٹ ٹیم کے آل راؤنڈر شاداب خان  دورہ جنوبی افریقہ اور زمبابوے کے لیے قومی ٹیم سے باہر ہوگئے ہیں۔ 

پاکستان کرکٹ بورڈ (پی سی بی) کی جانب سے جاری کردہ بیان میں کہا گیا ہے کہ شاداب خان بائیں پاؤں میں انجری کے باعث ٹیم سے باہر کیے گئے ہیں۔

پی سی بی کی جانب سے کہا گیا ہے کہ جنوبی افریقہ کے خلاف دوسرے ون ڈے  کے دوران بائیں پاؤں پر گیند لگنے کے باعث زخمی ہوئے جو ان کے ٹیم سے نکلنے کا سبب بنی ہے۔

قومی کرکٹ بورڈ کی جانب سے کہا گیا ہے کہ انجری ہونے پر شاداب خان کا ایکس رے کروایا گیا جس کے بعد یہ فیصلہ لیا گیا ہے۔

گزشتہ روز دوسرے ایک روزہ میچ میں جنوبی افریقہ نے پاکستان کو 17 رنز سے شکست دے دی تھی۔

جوہانسرگ میں کھیلے جانے والے میچ میں  قومی ٹیم کےبلے باز فخر زمان کی شاندار سنچری کے باوجود جنوبی افریقہ کی جانب سے دیا گیا 342 رنز کا ہدف حاصل کرنے میں ناکام رہی اور 49 اوور میں 9 وکٹوں کے نقصان پر 324 رنز بنا سکی۔

فخر زمان نے 192 رنز کی شاندار اننگز کھیلی جس میں 10 چھکے اور 15 چوکے شامل تھے۔ ان کے علاوہ قومی ٹیم کا کوئی بھی بلے باز لمبی باری نہ لے سکا۔

جنوبی افریقہ کی جانب سے نوکیا نے تین جب کہ فلیکائیو نے دو کھلاڑیوں کو آوٹ کیا۔ پروٹیز کی اس جیت کے ساتھ تین میچوں پر مشتمل  سیریز ایک ایک سے برابر ہو گئی تھی۔

0 Reviews

Write a Review

Read Previous

مسجد کے چندہ بکس سے بڑی رقم چوری کرنے والا گرفتار

Read Next

صبا قمر کا سالگرہ پر خود کو تحفہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے