• جولائی 30, 2021

‘سیسیلین مافیا کے القابات پانے والے نواز شریف عدالت سے سند یافتہ چور ثابت ہوئے’

لاہور: فردوس عاشق اعوان نے کہا ہے کہ سیسیلین مافیا، گاڈ فادرز کے القابات پانے والے نواز شریف عدالت سے سند یافتہ چور ثابت ہوئے، نواز شریف عدالت سے سرٹیفائیڈ بھگوڑے کا ٹائٹل بھی اپنے نام کرچکے۔

معاون خصوصی اطلاعات پنجاب ڈاکٹر فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا کہ ملکی اداروں اور عوام کی آنکھوں میں دھول جھونک کر بیماری کے نام پر لندن میں پولو میچ دیکھنے والوں کی نوسر بازی عیاں ہوگئی، عوام کے مال پر عیاشی کرنے والے شاہی خاندان کے لٹیروں کو عدالتی فیصلے نے ایک بار پھر رسوا کر دیا۔

فردوس عاشق اعوان کا کہنا تھا کہ لندن میں بیٹھے بھگوڑے کی معصوم عوام سے کی جانے والی ہمدردیاں بھی اس کی طرح کھوکھلی ہیں، وقت نے کپتان کو ایک بار پھر سرخرو کیا، کرپٹ شاہی ٹبر قانون اور آئین کی روشنی میں مزید ایکسپوز ہوگا۔

0 Reviews

Write a Review

Read Previous

ایک ہزار سی سی تک گاڑیوں پر ٹیکس میں کمی، فوڈ آئٹمز مستثنیٰ ہوں گی: شوکت ترین

Read Next

کینیڈا: چاقو بردار شخص نے 2 مسلمان خواتین کے حجاب کھینچ کر پھینک دیئے، ایک زخمی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے