• اگست 15, 2022

سلیمان شہباز نے عمران اسماعیل کو ایک ارب ہرجانے کا نوٹس بھجوا دیا

لاہور: وزیراعظم شہباز شریف کے بیٹے سلیمان شہباز نے پی ٹی آئی رہنما عمران اسماعیل کو ایک ارب روپے ہرجانے کا نوٹس بھوا دیا۔

لیگل نوٹس کے متن میں کہا گیا ہے کہ عمران اسماعیل نے اپنے ٹویٹر اکاؤنٹ کے ذریعے بے بنیاد الزامات عائد کئے، سابق گورنر سندھ نے سولر پینل کی خریداری سے متعلق بے بنیاد الزامات عائد کئے ہیں۔

لیگل نوٹس میں مزید کہا گیا ہے کہ لگائے گئے الزامات میں وفاقی کابینہ کے سرکاری عمارتوں پر سولر پینل کی تنصیب کا فیصلہ بھی شامل ہے جس کا فائدہ سلیمان شہباز کو پہنچے کا الزام عائد کیا کہ سلیمان شہباز سولر پینل کی کمپنی چلا رہے ہیں۔ یہ بھی الزام عائد کیا کہ سلیمان شہباز نے پاکستان کو سولر پینل مہیا کرنے کےلئے معاہدہ کیا ہے ۔عمران اسماعیل کی جانب سے لگائے گئے تمام الزامات میں کوئی صداقت نہیں، یہ تمام بے بنیاد الزامات شہرت خراب کرنے کےلئے لگائے گئے۔

نوٹس کے مطابق عمران اسماعیل کی اس ٹویٹ کو چار ہزار لوگوں نے ری ٹویٹ کیا ، سلیمان شہباز کی جانب سے مطالبہ کیا گیا کہ عمران اسماعیل بے بنیاد الزامات عائد کرنے پر معافی مانگیں، سلیمان شہباز نے اپنے وکیل منصور عثمان انور کی جانب سے عمران اسماعیل کو نوٹس بھیجوایا ہے۔

0 Reviews

Write a Review

Read Previous

عمران خان بتائیں کیا کرپشن کی تحقیقات کرنا دیوار سے لگانا ہے، رانا ثنا کا سوال

Read Next

مہنگائی کا سلسلہ 4 سال سے جاری، جلد نجات مل جائے گی: وزیراعظم

Leave a Reply

آپ کا ای میل ایڈریس شائع نہیں کیا جائے گا۔