• اکتوبر 30, 2020

سعودی عرب مسئلہ فلسطین کا شفاف حل چاہتا ہے: شاہ سلمان

سعودی فرماں روا شاہ سلمان بن عبدالعزیز کاکہنا ہےکہ سعودی عرب مسئلہ فلسطین کا شفاف حل چاہتا ہے۔ عرب خبر رساں ادارے کے مطابق سعودی فرماں روا شاہ سلمان بن عبدالعزیز اور امریکی صدر ٹرمپ کے درمیان ٹیلی فونک رابطہ ہوا جس میں متحدہ عرب امارات اور اسرائیل کے درمیان باہمی تعلقات کے معاہدے، مشرقِ وسطیٰ کی صورتحال اور مسئلہ فلسطین پر تبادلہ خیال کیا گیا۔ عرب میڈیا کے مطابق امریکی صدر سے گفتگو میں شاہ سلمان نے کہا کہ سعودی عرب امن کی کاوشوں کے لیے امریکی کوششوں کو سراہتا ہے۔ سعودی بادشاہ نے مزید کہا کہ سعودی عرب امن اقدامات کی بنیاد پر مسئلہ فلسطین کا شفاف اور مستقل حل چاہتا ہے۔ خیال رہے کہ گزشتہ ماہ متحدہ عرب امارات اور اسرائیل کے درمیان باہمی تعلقات قائم کرنے کے لیےامن معاہدہ طے پایا تھا جس کے تحت اسرائیل مزید فلسطینی علاقے ضم نہیں کرے گا اور دو طرفہ تعلقات کے لیے دونوں ممالک مل کر روڈ میپ بنائیں گے۔ گزشتہ روز اسرائیل سے پہلی کمرشل پرواز سعودی عرب کی خصوصی اجازت کے بعد سعودی حدود سے ہوتے ہوئے امریکی اور اسرائیلی وفود کو لے کر ابوظبی پہنچی تھی اور یہ تاریخ میں پہلا موقع تھا کہ کسی اسرائیلی طیارے نے باقاعدہ طور پر سعودی فضائی حدود کا استعمال کیا۔ اس سے قبل سعودی عرب نے 2018 میں بھارت کی ائیر لائن کو اسرائیل جانے کے لیے اپنی فضائی حدود استعمال کرنے کی اجازت دی تھی

0 Reviews

Write a Review

Read Previous

مودی کورونا قابو کرنے میں ناکام، دنیا بھر میں بھارت دوسرے نمبر پر آگیا

Read Next

چین کی فضائیہ بڑے خطرے کی صورت اختیار کرتی جا رہی ہے: پینٹاگان

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے