• اکتوبر 26, 2020

سعودی حکومت کی مقامی فنکاروں کی حوصلہ افزائی کے لیے اہم ہدایت

ریاض: سعودی حکومت نے مقامی فنکاروں کی حوصلہ افزائی کے لیے سرکاری اداروں کو ہدایت کی ہے کہ وہ اپنے دفاتر میں غیر ملکی فنکاروں کی جگہ مقامی فنکاروں کے تیارہ کردہ فن پارے آویزاں کرے۔

سعودی ویب سائٹ کے مطابق سعودی حکومت نے تمام سرکاری اداروں کو ہدایت دی ہے کہ کوئی بھی وزارت یا محکمہ اپنے صدر دفتر میں غیر ملکی فن کاروں کے شہ پارے نہ سجائے۔

یہ ہدایت ولی عہد شہزادہ محمد بن سلمان کی درخواست پر شاہ سلمان نے جاری کی ہے۔

تمام سرکاری اداروں سے کہا گیا ہے کہ وہ صرف سعودی فنکاروں کے شہ پارے ہی آویزاں کریں اور غیر ملکی فن کاروں کی تخلیقات نہ سجائیں۔

اس سے قبل سعودی کابینہ نے وزارت ثقافت کو ہدایت دی تھی کہ وہ سعودی فن کاروں کے شہ پاروں کا ریکارڈ تیار کرے اور تمام سرکاری اداروں کو ان سے متعارف کروانے کا اہتمام بھی کیا جائے۔

سعودی حکومت قومی ثقافت کو متعارف کروانے اور دنیا بھر میں اجاگر کرنے کی پالیسی بنا چکی ہے۔

اس مقصد کے لیے وزارت ثقافت قائم کی گئی ہے، وزارت ثقافت نے سعودی فنکاروں کی حوصلہ افزائی اور مقامی شہریوں کو غیر ملکیوں کے فن پاروں کے سحر سے نکالنے کی مہم بھی شروع کر رکھی ہے۔

0 Reviews

Write a Review

Read Previous

مناسک حج کی ادائیگی آج سے شروع ہورہی ہے

Read Next

Such Bolo:Anchor person Saqib expose the Corruption of utility stores

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے