• مارچ 7, 2021

سشانت سنگھ کی موت کا گہرا صدمہ مزید 3 لوگوں کی جان لے گیا

بالی وڈ اداکار سشانت سنگھ کی خودکشی کی خبر سامنے آنے کے بعد سے ان کے مداح غمزدہ ہیں جب کہ ان کی خودکشی کے صدمے سے مزید 3 لوگوں کی اموات بھی سامنے آئی ہیں۔

بھارتی میڈیا کے مطابق اداکار سشانت سنگھ کی خودکشی کی خبر سننے کے بعد ان کے کزن کی اہلیہ یہ صدمہ برداشت نہ کر سکیں اور وہ بھی انتقال کر گئیں جب کہ ان کے 2 مداحوں نے بھی خودکشی کرلی۔

سشانت کے کزن کی اہلیہ سدھا دیوی اس صدمے کو برداشت نہیں کر سکیں اور ان کا بھی انتقال ہوگیا۔

بھارتی میڈیا کے مطابق سدھا دیوی جگر کے کینسر میں مبتلا تھیں اور سشانت کی خودکشی کا سن کر انہوں نے کھانا پینا چھوڑ دیا تھا اور وہ مسلسل انہیں یاد کرکے رو رہی تھیں۔

دوسری جانب سشانت کی نوجوان مداح نے بھی اداکار کی خودکشی کی خبر سننے کے بعد خود بھی خودکشی ہی کر لی۔

میڈیا رپورٹس کے مطابق 17 سالہ لڑکی ڈپریشن میں مبتلا تھی، اس نے ٹی وی پر مسلسل سشانت کی خودکشی کی خبر سننے کے بعد خود کو بھی پنکھے سے لٹکا کر اپنی جان لے لی۔

خودکشی کرنے والی لڑکی کی والدہ نے پولیس کو بتایا کہ ان کی بیٹی امتحانات میں کامیابی نہ ہونے کی وجہ سے ڈپریشن میں مبتلا تھی اور وہ میرے منع کرنے کے باوجود بھی مسلسل ٹی وی اور سوشل میڈیا پر سشانت کی خودکشی سے متعلق خبریں پڑھ رہی تھی۔

لڑکی کی والدہ کا کہنا تھاکہ جب میں اپنی بیٹی کے کمرے میں گئی تو اس نے خود کو میری ساڑھی سے پھندا بنا کر لٹکایا ہوا تھا جس کے بعد ہم اسے فوراً اسپتال لے کر گئے مگر وہ اس وقت انتقال کر چکی تھی۔

0 Reviews

Write a Review

Read Previous

’کورونا کی وجہ سے ٹی20 ورلڈکپ کا انعقاد غیر حقیقی لگتا ہے‘

Read Next

گھوٹکی میں رینجرز کی گاڑی کے قریب دھماکا، 2 اہلکار شہید

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے