• جنوری 20, 2022

سانحہ سیالکوٹ، ملوث افراد کیخلاف سخت قانونی کارروائی کی جائے: وفاقی کابینہ

اسلام آباد: وزیراعظم عمران خان کی صدارت میں ہونے والی وفاقی کابینہ کے اجلاس کے دوران سانحہ سیالکوٹ کی بدنامی کی مذمت کرتے ہوئے کہا گیا ہے کہ ملوث افراد کے خلاف سخت قانونی کارروائی کی جائے۔

وزیراعظم عمران خان کی صدارت میں وفاقی کابینہ کا اجلاس ہوا، اجلاس کے دوران ملکی سیاسی و معاشی صورتحال کا جائزہ لیا گیا جبکہ اجلاس کے دوران سیالکوٹ واقعہ پر بریفنگ دی گئی۔

کابینہ اراکین نے اجلاس کے دوران سیالکوٹ واقعہ کی مذمت کرتے ہوئے کہا کہ ایسے واقعات ملک کی بدنامی کا باعث بنتے ہیں، سانحہ میں ملوث افراد کے خلاف سخت قانونی کاروائی کی جائے۔

ذرائع کے مطابق اجلاس کے دوران 17 نکاتی ایجنڈے پر غور بھی کیا گیا۔ افغان باشندوں کو کسی تیسرے ملک میں جانے کے لیے زمینی یا فضائی محفوظ راستہ دینے کا معاملہ موخر کر دیا گیا، گیپکو اور ٹیسکو کے سی ای اوز کی تعیناتی کی منظوری دیدی گئی۔ وفاقی کابینہ نے پیٹرول پر ڈیلر مارجن میں اضافے کی منظوری دے دی۔

0 Reviews

Write a Review

Read Previous

سانحہ سیالکوٹ: دین کے نام پر ظلم کرنیوالوں کو نہیں چھوڑینگے: وزیراعظم عمران خان

Read Next

کسی دباؤ کو خاطر میں نہ لاتے ہوئے فرائض ادا کرتے رہیں گے: چیف الیکشن کمشنر

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے