• اکتوبر 30, 2020

سابق اولمپیئن و کپتان اسد ملک ٹریفک حادثے میں انتقال کرگئے

سابق اولمپیئن و کپتان اسد ملک ٹریفک حادثے میں انتقال کر گئے۔

ہاکی کے سابق اولمپیئن و کپتان اسد ملک ایک ٹریفک حادثے میں انتقال کر گئے جب کہ ان کی بیٹی بھی شدید زخمی ہوئی ہے۔

 اسد ملک کا تعلق ہاکی فیملی سے ہے، ان کے چھوٹے بھائی سعید انور کے علاوہ بھتیجے انجم سعید اور نعیم امجد بھی اولمپکس میں پاکستان کی نمائندگی کر چکے ہیں۔

یہ پاکستان کی واحد فیملی ہے جس کے چار افراد نے اولمپکس میں پاکستان کی نمائندگی کی ہے۔

اسد ملک نے ایشین گیمز میں دو گولڈ کے علاوہ ایک سلور میڈل بھی جیتا۔ 1962کی جکارتہ ایشین گیمز میں پاکستانی ٹیم نے گولڈ میڈل جیتا تھا جس میں اسد ملک بھی شریک تھے۔

1966 بنکاک میں منعقدہ ایشین گیمز میں پاکستانی ٹیم نے سلور میڈل جیتا اور اسد ملک اس ٹیم کا بھی حصہ تھے جب کہ 1970کی بنکاک ایشین گیمز میں پاکستان ٹیم نے گولڈ میڈل جیتا تھا اس میں بھی اسد ملک نے پاکستان کی نمائندگی کی تھی۔

اسد ملک نے میونخ اولمپک کے فائنل میں امپائر کے غلط فیصلے کے خلاف احتجاج بھی کیا تھا۔

پاکستان ہاکی فیڈریشن کے صدر بریگیڈئیر (ر) خالد سجاد کھوکھر، سیکرٹری اولمپیئن آصف باجوہ نے اسد ملک کے انتقال پر گہرے دکھ و افسوس کا اظہار کیا ہے۔

0 Reviews

Write a Review

Read Previous

‘بابر اعظم کی کلاس ہے، چاہتا ہوں وہ لیجنڈری بیٹسمین بنے’

Read Next

ملائیشیا کے سابق وزیراعظم پر کرپشن کے الزامات ثابت ہوگئے

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے