• نومبر 29, 2022

سائنسدانوں نے پانی کے اندر چند ہفتوں میں گلنے والا جوتا تیار کرلیا

کیلیفورنیا: دنیا بھر میں پلاسٹک کے کچرے میں اضافہ ایک سنگین مسئلہ بنتا جا رہا ہے جہاں زمین پر موجود اس پلاسٹک کے باریک ذرّات جانداروں کے جسم میں جگہ بنا رہے ہیں وہیں یہ سمندروں میں آبی حیات کی زندگی کو بھی یکسر متاثر کر رہے ہیں۔

اب امریکا کے سائنس دانوں نے اس مسئلے سے نمٹنے کے لئے ایک ایسا ہلکے ربڑ کا جوتے کا تلا بنایا ہے جو پانی میں جا کر محض چار ہفتوں میں گلنا شروع ہوجاتا ہے۔

ایک اندازے کے مطابق پانی میں چمڑا گلنے میں 40 سال اور ربڑ کا تلا گلنے میں 80 سال تک کا عرصہ لگ سکتا ہے جبکہ پہننے کے لئے اب تک جو بھی پلاسٹک کی چیز استعمال کی گئی کسی نہ کسی شکل میں وہ دنیا میں موجود ہے، اس حساب سے برطانیہ میں ہر سال 60 کروڑ جوتے پھینک دیئے جاتے ہیں جو مستقبل میں ہزاروں سالوں تک کرہ ارض پر موجود رہیں گے۔

یونیورسٹی آف کیلیفورنیا سان ڈیاگو کے سائنس دانوں کی جانب سے بنائے گئے اس جوتے کا مواد اس طرح تشکیل دیا گیا ہے کہ سمندری حیات اس کو اس کے بنیادی کیمائی عناصر میں توڑ سکیں گے اور بطور غذا استعمال کرسکیں گے۔

محققین کا کہنا ہے کہ پلاسٹک کا یہ متبادل دنیا کے سمندروں کو اپنی لپیٹ میں لیتی آلودگی سے نمٹ سکتا ہے۔

پروفیسر اسٹیفن مے فیلڈ کا کہنا تھا کہ سمندروں میں پلاسٹک کا نامناسب تصرف ان کو مائیکرو پلاسٹک میں توڑ دیتا ہے جو انتہائی سنگین ماحولیاتی مسئلہ بن چکا ہے، ہم نے تحقیق میں دِکھایا ہے کہ ایسی اعلیٰ معیاری پلاسٹک اشیاء کا بنایا جانا بالکل ممکن ہے جو سمندر میں گل سکتی ہیں۔

2010میں لگائے گئے محققین کے تخمینے کے مطابق ہر سال 8 ارب کلوگرام پلاسٹک سمندروں میں پھینکی جاتی ہے اور 2025 تک اس میں خطرناک حد تک اضافہ ہوسکتا ہے۔

0 Reviews

Write a Review

Read Previous

TikTok Ki Dunya With Tabbasum Riaz Ranjha | Latest Entertainment Videos | A1Tv | 25 SEP 2022

Read Next

امریکا کا پاکستان کیلئے ایک کروڑ ڈالر امداد کا اعلان

Leave a Reply

آپ کا ای میل ایڈریس شائع نہیں کیا جائے گا۔