زلمے خلیل زاد اسلام آباد پہنچ گئے، افغان امن عمل پر تبادلہ خیال کرینگے

اسلام آباد: امریکی نمائندہ خصوصی زلمے خلیل زاد اسلام آباد پہنچ گئے ہیں۔ اپنے دورے کے دوران وہ پاکستان کی اعلیٰ سیاسی وعسکری قیادت سے اہم ملاقاتیں کریں گے۔

طالبان اور افغانوں کے درمیان امن مذاکرات کے بعد امریکی نمائندہ خصوصی کا دورہ پاکستان انتہائی اہمیت کا حامل قرار دیا جا رہا ہے۔ بین الافغان امن مذاکرات کی کامیابی کیلئے کوششیں جاری ہیں۔ فریقین اس مقصد کے لیے قطر میں موجود ہیں۔