• دسمبر 5, 2021

ریپلائی کے بغیر واٹس ایپ پر اپنے جذبات کا اظہار کریں

واٹس ایپ کے نئے فیچر میں اب ریپلائی کے بغیر صارفین میسج پر اپنے جذبات کا اظہار کر سکیں گے، اس کے لیے کسی تحریر کی ضرورت نہیں ہو گی۔

فیس بک میسنجر کی طرح واٹس ایپ پر بھی میسج ری ایکشنز کا فیچر متعارف کرا دیا گیا ہے۔

واٹس ایپ میں اس فیچر پر کئی ماہ سے کام کیا جارہا ہے اور اب  یہ بیٹا ورژن میں پیش کیا گیا ہے، اور رپورٹ کے مطابق کچھ ہی عرصے میں یہ تمام صارفین کو دستیاب ہوگا۔

واٹس ایپ کی اپڈیٹس دینے والی ویب سائٹ ویب بیٹا انفو کی رپورٹ کے مطابق اس فیچر کو پہلے آئی او ایس بیٹا ورژن میں دیا گیا تھا اور اب اینڈرائیڈ صارفین کے لیے فراہم کیا جائے ہے۔

صارفین کو سیٹنگز میں نوٹیفکیشن مینیو میں جاکر اس فیچر کو ان ایبل یا ڈس ایبل کرنا ہوگا۔ ری ایکشنز کے لیے کتنے ایموجیز واٹس ایپ میں دستیاب ہوں گے اس بارے میں کوئی تفصیلات مہیا نہیں کی گئی ہیں۔

دو ماہ قبل واٹس ایپ نے پرائیویسی سے متعلق فیچر متعارف کرانے کا اعلان کیا تھا، جس میں صارفین کی پروفائل تصویر کی پرائیوسی سے متعلق تبدیلیاں لائی جائیں گی۔

فی الحال واٹس ایپ کی پروفائل تصویر کے لیے تین آپشنز رکھے گئے ہیں جن میں ایوری ون یعنی سب کو تصویر دیکھنے کی اجازت ہے۔

اب صارفین کو سہولت بھی فراہم کی جائے گی کہ وہ اپنے کنٹیکس میں موجود صرف منتخب لوگوں کو تصویر دیکھنے کی اجازت دیں گے۔

0 Reviews

Write a Review

Read Previous

پاکستان ڈیموکریٹک موومنٹ نے آئندہ کی حکمت عملی پر اسٹیئرنگ کمیٹی کا اجلاس آج بلا لیا

Read Next

کام کرتے ہوئے میوزک سنیں، ایلون مسک کی ملازمین کو ای میل

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے