• مئی 24, 2022

روس کے یوکرین پر حملے جاری، پل اور ائیرپورٹ تباہ، مزید 3 شہری ہلاک

روس کے یوکرین کے شہروں خارکیف، چرنیہیف اور ماریو پول پر حملے جاری ہیں جبکہ دارالحکومت کیف میں بھی لڑائی جاری ہے۔

یوکرین کے صدارتی ترجمان کے مطابق روس کے حملوں میں وینیسا ائیرپورٹ مکمل تباہ ہو گیا ہے۔

غیر ملکی میڈیا کے مطابق یوکرین کے دارالحکومت کیف کے قریبی علاقے ارپن میں روسی افواج کی شیلنگ 3 شہری ہلاک ہو گئے اور ایک پل بھی تباہ ہوا۔

میڈیا رپورٹس کے مطابق روسی افواج کی پیشقدمی روکنے کے لیے یوکرین آرمی نے ارپن اور بوجا دریاؤں کے پل تباہ کر دیے جس کے باعث بڑی تعداد میں شہریوں کا ارپن کے علاقے سے انخلا جاری ہے۔

روسی صدر سے ترک اور فرانسیسی صدور نے ٹیلی فونک گفتگو کی جس میں یوکرین میں جنگ بندی پر زور دیا گیا۔

روسی صدر نے جواب دیا کہ یوکرین کی طرف سے لڑائی بند کرنے پر ہی یوکرین میں فوجی آپریشن رُکے گا، کسی بھی طرح روس اپنے مقاصد حاصل کر کے رہے گا۔

جنگ زدہ علاقوں سے شہریوں کا انخلا جاری ہے اور یوکرین پر 24 فروری کے روسی حملے کے بعد سے اب تک 10 لاکھ سے زائد پناہ گزین پولینڈ میں داخل ہو چکے ہیں۔

روسی فوج کے حملے کی صورت میں مزاحمت کے لیے یوکرین کے دارالحکومت کیف کی ا ہم شا ہراؤں پر چوکیاں بنا دی گئی ہیں۔

0 Reviews

Write a Review

Read Previous

سوناکشی سنہا کے ناقابلِ ضمانت وارنٹ گرفتاری جاری

Read Next

ویڈیو: حرم میں سماجی فاصلہ ختم، پوری گنجائش کے ساتھ نماز کی ادائیگی

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے