• اپریل 18, 2021

رحمان ملک کی عوام سے چینی چھوڑنے کی اپیل

سابق وزیر داخلہ اور پاکستان پیپلزپارٹی کے رہنما رحمان ملک نے عوام سے اپیل کی ہے کہ وہ چینی کا استعمال ترک کر دیں۔

انہوں نے بھارت سے چینی منگوانے کے فیصلے پراحتجاجاً خود بھی چینی کا استعمال ترک کرنے کا اعلان کیا۔

خیال رہے گزشتہ روز حکومت پاکستان نے بھارت سے تجارتی تعلقات بحال کرتے ہوئے چینی اور کپاس درآمد کرنے کا فیصلہ کیا ہے۔

حکومت نے نجی سیکٹر کو اجازت دی ہے کہ وہ30 جون تک بھارت سے چینی منگوا سکتے ہیں۔ حکومت نے مقدار کا تعین نہیں کیا۔

اس فیصلے کی مخالفت کرتے ہوئے سابق وزیر داخلہ رحمان ملک نے انوکھے انداز میں احتجاج کیا۔ سابق وزیرداخلہ نے کہا کہ  ایک زرعی ملک ہونے کے باوجود بھارت سے چینی کی درآمد لمحہ فکریہ ہے۔

انہوں نے اعلان کیا کہ بھارت سے چینی درآمد کرنے کے فیصلے پر بطور احتجاج چینی استعمال نہیں کروں گا۔ رحمان ملک نے عوام سے اپیل کی کہ حکومتی فیصلے کے خلاف بطور احتجاج تمام پاکستانی چینی استعمال نہ کریں۔

0 Reviews

Write a Review

Read Previous

فنانس آرڈیننس:اسپیکر نے حکومت اور اپوزیشن کی مشترکہ کمیٹی بنا دی

Read Next

پنجاب میں تاریخ ساز ترقیاتی منصوبوں پر کام جاری ہے، فردوس عاشق اعوان

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے