• ستمبر 27, 2022

راولپنڈی میں گیس لیکج دھماکے سے 4 افراد جھلس کر زخمی، 2 کی حالت تشویشناک

راولپنڈی : راولپنڈی کے علاقے تلسہ روڑ پر واقع گھر میں گیس لیکج دھماکہ سے چار افراد جھلس کر زخمی ہوگئے، زخمیوں میں سے دو کی حالت تشویشناک ہے۔

ریسکیو ذرائع کے مطابق تلسہ روڑ پر واقع گھر میں گیس لیکج ہورہی تھی جس پر گھر میں موجود بزرگ نے ہیٹر آن کرنے کے ماچس جلائی تو زور دار دھماکے سے گھر میں آگ لگ گئی، جس سے گھر میں موجود چار افراد جھلس کر زخمی ہوگئے۔

زخمیوں میں 80 سالہ ریٹائرڈ کرنل خالد، 42سالہ ڈاکٹر احتشام الحق اور 13 سالہ صبیح الحق اور عبداللہ شامل ہیں، زخمیوں کو طبی امداد کے لئے سی ایم ایچ ہسپتال منتقل کردیا گیا، بزرگ کا جسم 40 فیصد جھلس گیا، ان کی حالت بھی تشویشناک بتائی جارہی ہے۔

0 Reviews

Write a Review

Read Previous

علیم ڈار کے ہاتھ نہ آنے والے دھانی اولمپکس میں دوڑنے کا سوچنے لگے

Read Next

ماضی کے حکمرانوں کو غریب کیلئے چھت کا خیال نہیں آیا، فرخ حبیب

Leave a Reply

آپ کا ای میل ایڈریس شائع نہیں کیا جائے گا۔