• نومبر 25, 2020

راجن پور کے قریب حساس اداروں کی کارروائی القائدہ کے 5 دہشتگرد گرفتار

راجن پور:حساس اداروں اور کاؤنٹر ٹیررازم ڈیپارٹمنٹ نے راجن پور کے قریب کارروائی کرتے ہوئے کالعدم تنظیم القاعدہ کے پانچ دہشتگردوں کو گرفتار کر لیا ہے۔ دنیا نیوز ذرائع کے مطابق کالعدم تنظیم کے ارکان کیخلاف یہ کارروائی خفیہ اطلاعات پر کی گئی۔ کارروائی کے دوران کالعدم تنظیم کے کچھ رکن فرار ہونے میں کامیاب ہو گئے جن کی تلاش کا عمل تیز کر دیا گیا ہے۔ کارروائی کے دوران اسلحہ اور بارود بھی برآمد ہوا ہے۔ انٹیلی جنس ذرائع کے مطابق دہشتگردوں کے قبضے سے کلاشنکوف، ہینڈ گرنیڈ، خود کش جیکٹس اور دیگر بارودی سامان برآمد کیا گیا۔ دہشگرد اپنا نیٹ ورک بلوچستان سے راجن پور منتقل کر رہے تھے۔ سی ٹی ڈی حکام نے بتایا ہے کہ دہشتگرد جنوبی پنجاب میں دہشتگردی کا منصوبہ بنا رہے تھے۔ دہشتگردوں کی پہچان اعجاز علی خان، سگیر احتشام، جابر احتشام، انور خان اور کامران زاہد کے نام سے ہوئی ہے۔ دہشتگردوں سے مزید تفتیش بھی جاری ہے۔

0 Reviews

Write a Review

Read Previous

وزیر اعظم نے ایاز صادق کے منفی بیان کو عوامی سطح پر اٹھانے کی ہدایت کردی

Read Next

وزیرخارجہ شاہ محمود قریشی کا فن لینڈ کے ہم منصب سے ٹیلیفونک رابطہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے