• مئی 25, 2022

دوسروں کے اکاؤنٹ پر نیٹ فلکس استعمال کرنیوالوں کیلئے بری خبر

امریکا کی مقبول ویڈیو اسٹریمنگ کمپنی نیٹ فلکس نے پاسورڈ شیئر کرنے والے صارفین کے خلاف کریک ڈاؤن کا فیصلہ کرلیا۔

کمپنی کے مطابق فیصلے کے بعد بھی اگر کسی صارف نے اپنے اکاؤنٹ کا پاسورڈ کسی دوست یا جاننے والے کو استعمال کے لیے دیا تو جس کے نام پر اکاؤنٹ ہے اسی سے اضافی فیس وصول کی جائے گی۔

نیٹ فلکس نے واضح کیا ہے کہ اضافی فیس کا آپشن آئندہ کچھ دنوں میں فراہم کیا جائے گا اور پھر اپنا اکاؤنٹ دوسروں سے شیئر کرنے والوں کو فیس بھرنی پڑے گی ، بصورتِ دیگر ان کے اکاؤنٹس بند کردیے جائیں گے۔

نیٹ فلکس نے یہ فیصلہ کیوں کیا؟

کمپنی کے مطابق صارفین کے ایک دوسرے کو اپنے اکاؤنٹ کے پاسورڈ دینے سے کمپنی کو نقصان ہورہا ہے، اس سے نیٹ فلکس کی فلموں اور سیریز کے لیے کی جانے والی سرمایہ کاری متاثر ہورہی ہے۔

کمپنی نے کہا کہ پاسورڈ شیئر کرنے سے ہماری نئی سیریز اور فلموں کے لیے سرمایہ کاری متاثر ہو رہی ہے، ہم پاس ورڈ شیئرنگ پر پابندی نہیں لگا رہے تاہم جو لوگ ایسا کرتے ہیں انہیں ادائیگی کرنا ہوگی۔

کمپنی کی جانب سے جاری کردہ بیان میں مزید بتایا گیا کہ ’ نیٹ فلکس کے پریمئیم اور اسٹینڈرڈ اراکین دو ایسے افراد کے ذیلی اکاؤنٹس شامل کر سکیں گے جن کے ساتھ وہ رہائش پذیر نہیں ہیں۔

بیان میں کہا گیا کہ ہر استعمال کرنے والوں کی  اپنی پروفائل، لاگ ان اور پاس ورڈ مناسب اور کم قیمت میں مہیا کیا جائے گا۔

نیٹ فلکس بنیادی طور پر یہ کریک ڈاؤن  امریکی شہر چلی، کوسٹا ریکا اور پیرو میں کرے گا۔

Read Previous

حبا بخاری نے لڑکیوں کو ‘جوائنٹ فیملی سسٹم’ میں رہنے کیلئے کیا ٹپس دیں؟

Read Next

Talent Hunt 19 March 2022 a1 tv

Leave a Reply

آپ کا ای میل ایڈریس شائع نہیں کیا جائے گا۔