• مئی 25, 2022

داماد کے کہنے پر ساس کی خودکشی

تامل ناڈو: بھارتی ریاست تامل ناڈو میں ساس نے داماد کے کہنے پر خودکشی کر لی۔

بھارتی میڈیا کے مطابق بھارتی ریاست تامل ناڈو کے شہر کوئمبتور میں گھر میں جھگڑے کے دوران ساس نے داماد کے کہنے پر اپنی زندگی کا خاتمہ کرلیا۔ پولیس نے داماد کے خلاف مقدمہ درج کر کے اسے گرفتار کر لیا۔

پولیس کے مطابق ملزم کئی دنوں سے اپنی بیوی اور بچوں کے ساتھ سسرال میں رہ رہا تھا، ملزم کا بیٹا پڑھائی کے بجائے ٹی وی دیکھ رہا تھا جس پر ملزم کو غصہ آیا اور اس نے اپنے بیٹے کی پٹائی لگا دی۔

بیوی نے بیٹے کو مار سے بچانے کی کوشش کی تو ملزم نے اسے بھی مارنا شروع کر دیا جس پر اس کے ساس اور سسر بھی بیچ بچاؤ کرانے کی کوشش کی۔ سسر نے داماد کو سمجھایا تو ملزم نے اپنے سسر پر تشدد شروع کر دیا جس پر سسر ناراض ہو کر گھر چھوڑ گئے۔

پولیس کے مطابق ملزم نے ساس سے بھی لڑائی کی اور انہیں خودکشی کرنے کا کہا جس پر ساس نے دلبرداشتہ ہو کر زہریلا پاؤڈر کھا لیا جس سے ان کی حالت غیر ہو گئی اور انہیں فوری طور پر اسپتال منتقل کیا گیا تاہم ملزم کی ساس دوران علاج ہلاک ہوگئیں۔

پولیس کا کہنا ہے کہ ملزم پیشے کے لحاض سے کسان ہے، ملزم کو عدالت میں پیش کیا جائے گا۔

Read Previous

کورونا وبا کا فوری خاتمہ ناممکن ہے، عالمی ادارہ صحت

Read Next

دہشتگردوں کوکچلنے کیلئےسہولت کاروں کانیٹ ورک توڑناناگزیرہے،آرمی چیف

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے