• دسمبر 1, 2021

حمزہ شہباز کا خورشید شاہ سے ٹیلی فونک رابطہ، رہائی پر مبارکباد، لاہور آنے کی دعوت

لاہور: پنجاب اسمبلی میں اپوزیشن لیڈر حمزہ شہباز کی پیپلزپارٹی کے رہنما خورشید شاہ سے ٹیلی فونک رابطہ، حمزہ شہباز نے خورشید شاہ کو رہائی پر مبارک باد دی اور لاہور آنے کی دعوت بھی دے دی۔

ذرائع کے مطابق خورشید شاہ رواں ہفتے لاہور آئیں گے۔ حمزہ شہباز خورشید شاہ کو ظہرانہ بھی دیں گے جبکہ دونوں رہنماؤں کے درمیان مرکز اور پنجاب میں ان ہاوس تبدیلی کے حوالے سے مشاورت بھی ہوگی۔

ذرائع کے مطابق حمزہ شہباز نے کہا کہ آپ کی جمہوریت کے لئے قربانیوں کو ہمیشہ یاد رکھا جائےگا، موجودہ حکومت نے انتقام کی سیاست کی اور ملک کی طرف توجہ نہیں دی، عمران خان ملک اور عوام کے لئے کینسر بن گئے ہیں۔

اس موقع پر خورشید شاہ نے کہا کہ موجودہ حکومت سے نجات کا واحد آئینی راستہ ان ہاوس تبدیلی میں ہے۔ خورشید شاہ نے حمزہ شہباز کو ٹیلی فون کرنے پر شکریہ ادا کیا۔

0 Reviews

Write a Review

Read Previous

لاہور، راولپنڈی اور پشاور کے درمیان ٹرین آپریشن مکمل طور پر بحال ہوگیا

Read Next

پاک افغان سرحد چمن کو ایک ماہ بعد آمدورفت اور تجارت کے لیے کھول دیا گیا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے