• اکتوبر 19, 2021

جیکب آباد :کروڑوں کی منشیات سمگلنگ کی کوشش ناکام،650کلو چرس برآمد

جیکب آباد: صوبہ سندھ کے ضلع جیک آباد کے قریب کسٹم نے کروڑوں روپے کی منشیات سمگلنگ کرنے کی کوشش ناکام بناتے ہوئے ٹرک پر چھاپہ کر 650 کلو گرام چرس برآمد کرلی۔

ذرائع کے مطابق اسسٹنٹ کلیکٹر کسٹم سکھر عرفان منگی کی قیادت میں کسٹم عملے نے جیکب آباد کے قریب کا میاب کارروائی کرتے ہوئے کروڑوں روپے مالیت کی سمگلنگ کی کوشش ناکام بنادی ہے۔

اسسٹنٹ کلیکٹر عرفان منگی نے بتایا کہ ٹرک پر چھاپے مارکر 650.کلو گرام اعلیٰ کوالٹی کی چرس برآمد کرلی ،تاہم ملزمان موقع سے فرار ہوگئے جبکہ کارروائی کسٹم کلیکٹوریٹ کی ہدایت پر ایک خفیہ اطلاع پر کی گئی۔

ذرائع کے مطابق عرفان منگی کامزید کہنا تھا کہ چرس ٹرک کے ایک خفیہ خانے میں سیلیڈ کرکے چھپائی گئی تھی،چرس کوئٹہ سے سندھ لائی جارہی تھی جبکہ اس کارروائی کو کامیاب بنانے کے لیے تین ٹیمیں بنائی گئی تھیں۔

اسسٹنٹ کلیکٹر کسٹم نے کہا کہ برآمد شدہ چرس کی مالیت بین الاقومی منڈی میں چھ کروڑ روپے سے زائد ہے جبکہ ملزمان کی تلاش کی جارہی ہے۔

0 Reviews

Write a Review

Read Previous

ہوائی سفر میں تھکاوٹ اور بخار، عمر شریف کا جرمنی کے ہسپتال میں طبی معائنہ

Read Next

کراچی: نوری آباد بتیس میل کے قریب بس اور ٹریلر میں تصادم، 5 افراد جاں بحق

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے