• مئی 25, 2022

جیسنڈا آرڈرن نے رواں سال کورونا کے مزید ویرینٹ آنے کا خدشہ ظاہر کر دیا

ویلنگٹن:  نیوزی لینڈ کی وزیراعظم جیسنڈا آرڈرن نے رواں سال کورونا وائرس کے مزید ویرینٹ سامنے آنے کے خدشات کا اظہار کیا ہے۔

رپورٹ کے مطابق نیوزی لینڈ کی پارلیمنٹ سے خطاب کرتے ہوئے وزیراعظم جیسنڈا آرڈرن کا کہنا تھا کہ اومیکرون کا مطلب یہ نہیں کہ کورونا وبا کا دنیا سے خاتمہ ہو گیا ہے، نیوزی لینڈ کی حکومت اور عوام کو نئے ویرینٹس کے خطرے سے مقابلے کیلئے تیار رہنا چاہیے۔

انہوں نے ماہرین کا حوالہ دیتے ہوئے کہا کہ اومیکرون سے نمٹنے کیلئے بھی حفاظتی انتظامات کرنے ہوں گے، عوام احتیاطی تدابیر پر عمل جاری رکھیں تاکہ کورونا وبا کا شکار نہ ہوں۔ حکومت اور عوام کو مل جل کر اس وبا کا مقابلہ کرنا ہو گا۔

واضح رہے کہ جیسنڈا آرڈرن کے خطاب کے دوران پارلیمنٹ کی عمارت کے باہر مظاہرین احتجاج کرتے رہے، ان کا مطالبہ تھا کہ کورونا کے سبب عائد پابندیاں ختم کی جائیں۔

Read Previous

پاکستان سپر لیگ 7 کا پہلا مرحلہ مکمل ، ملتان سلطانز کی حکمرانی برقرار

Read Next

گھوٹکی:میرپورماتھیلومیں مغوی کی بازیابی کیلئےاہل خانہ کااحتجاج،قومی شاہراہ بند

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے