• مئی 26, 2022

جاپانی سائنسدانوں نے انسانی جذبات کی عکاسی کرنے والا روبوٹ تخلیق کر لیا

جاپانی سائنسدانوں نے ہنسنے، مسکرانے رونے سمیت مختلف انسانی جذبات کی عکاسی کرنے والا روبوٹ تخلیق کر لیا۔

غیر ملکی خبر رساں ادارے کی رپورٹ کے مطابق جاپانی سائنسدانوں نے نیکولا نامی روبوٹ تیار کیا ہے جو دکھ، درد، خوشی اور غم کے جذبات کو سمجھنے کی صلاحیت رکھتا ہے۔

رپورٹ کے مطابق نیکولا چھ قسم کے تاثرات ظاہر کر سکتا ہے، روبوٹ میں ایک موئنگ مسل ہے، جس کی مدد سے روبوٹ مختلف تاثرات کا اظہار کرتا ہے۔

رپورٹ کے مطابق واٹارو ساٹو نامی جاپانی سائنسدان اس پروجیکٹ کو لیڈ کر رہے ہیں۔

ان کا کہنا ہے کہ روبوٹ معمر افراد کی دیکھ بھال سمیت مختلف ایسے کاموں میں استعمال ہو سکتا ہے، جہاں مختلف جذبات کے اظہار کی ضرورت پیش آتی ہے۔

روبوٹ کی آزمائش کے لیے مختلف لوگوں سے ملاقات کروائی گئی، جہاں نکولا نے صورت حال کے مطابق مختلف تاثرات کا اظہار کیا۔

Read Previous

خلائی سفر کیلئے ٹکٹوں کی فروخت شروع

Read Next

پی ایس ایل 2022: ملتان سلطانز کی کوئٹہ گلیڈی ایٹرز کے خلاف بیٹنگ جاری

Leave a Reply

آپ کا ای میل ایڈریس شائع نہیں کیا جائے گا۔