• ستمبر 26, 2021

تحریک انصاف کی حکومت نے 3 برس میں 1533 اسکول اپ گریڈ کیے: عثمان بزدار

وزیراعلیٰ پنجاب عثمان بزدار نے عالمی یوم خواندگی پر اپنے پیغام میں کہا کہ خواندگی انسان کے شعور و آگاہی کو جلا بخشتی ہے، تعلیم کی بدولت ہی قومیں عروج حاصل کرتی ہیں، حصول تعلیم ہر بچے کا بنیادی حق ہے، حکومت پنجاب اس حق کو بچوں تک پہنچانے کیلئے سرگرم عمل ہے، صوبے کی تاریخ میں جامع  پنجاب سکول ایجوکیشن پالیسی  2020 متعارف کرائی گئی ہے۔

عثمان بزدار کا کہنا تھا کہ شرح خواندگی بڑھانے کیلئے پہلی مرتبہ ٹرانس جینڈر کی تعلیم پر توجہ دی گئی ہے، ہماری حکومت نے ملتان میں پہلا ٹرانس جینڈر سکول قائم کیا ہے، سکولوں میں ٹیچرز کی کمی کو پورا کرنے کیلئے 31 ہزار سے زائد ایس ٹی آئی بھرتی کئے جا رہے ہیں، 33 ہزار سے زائد مرد و خواتین ایجوکیٹرز کی بھرتی کا عمل جلد شروع کیا جا رہا ہے، 10 پسماندہ اضلاع کے سکولوں میں اساتذہ کی کمی دور کرنے کیلئے بھرتی کیلئے قواعد میں نرمی کی گئی ہے، ان اضلاع میں ہارڈ شپ کے تحت مقامی نوجوانوں کو بھرتی کیا جا رہا ہے۔

وزیراعلیٰ پنجاب نے مزید کہا کہ رواں مالی سال میں مزید 7 ہزار سکول اپ گریڈ کئے جائیں گے، مجموعی طور پر 27 ہزار سکول اپ گریڈ کئے جائیں گے۔

0 Reviews

Write a Review

Read Previous

افغانستان میں نگران سیٹ اپ کے اعلان پر ردعمل دینا قبل از وقت ہوگا: فواد چودھری

Read Next

طالبان کی جانب سے اعلان کردہ عبوری حکومت پر امریکا کا اظہار تشویش

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے