• نومبر 29, 2021

بین الاقوامی کمپنیوں کا پاکستان میں منصوبے شروع کرنا خوش آئند ہے: وزیراعظم

اسلام آباد: وزیراعظم نے کہا ہے کہ بین الاقوامی کمپنیوں کا پاکستان میں منصوبے شروع کرنا خوش آئند ہے، ای کامرس سے روزگار کے مواقع پیدا ہوں گے اور معاشی ترقی ملے گی۔

وزیراعظم عمران خان سے آن لائن شاپنگ ویب سائٹ دراز کے سی ای او بجارک میکلسن نے ملاقات کی ہے۔ سی ای او دراز نے پاکستان میں مزید سرمایہ کاری اور ای کامرس کی توسیع میں دلچسپی کا اظہار کیا۔ ملاقات میں مشیر خزانہ شوکت ترین، چیئرمین ایس ٹی زیڈ اے عامر ہاشمی بھی موجود تھے۔

اس موقع پر وزیراعظم کا کہنا تھا کہ پاکستان ای کامرس کے لیے بہت وسیع مارکیٹ رکھتا ہے، حکومت کاروبار میں آسانی کی پالیسی کے تحت غیر ملکی سرمایہ کاروں کو مکمل تعاون فراہم کر رہی ہے، پاکستانی نوجوانوں کا ٹیلنٹ بے مثال ہے۔

دوسری جانب وزیراعظم سے ویون کے گروپ سی ای او کان ترزیو اوغلون نے بھی ملاقات کی۔ وزیراعظم کا کہنا تھا کہ پاکستان کے نوجوان معروف بین الاقوامی آئی ٹی اور ٹیلی کام کمپنیوں سے بہت فائدہ اٹھا سکتے ہیں۔ سی ای او ویون نے ڈیٹا کے بڑے حل فراہم کرنے میں دلچسپی ظاہر کی۔

0 Reviews

Write a Review

Read Previous

سبز باغ دکھا کر عمران صاحب نے قوم کو دوبارہ قطاروں میں کھڑا کر دیا: مریم اورنگزیب

Read Next

بھارت کا کرپٹو کرنسی پر پابندی عائد کرنے کا فیصلہ

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے