• جنوری 19, 2022

بھارت کی افغانستان کو گندم فراہمی کی پیشکش،پاکستان سکیورٹی کیلئے تیار

اسلام آباد: افغانستان میں بگڑتی ہوئی صورتحال کے بعد بھارت کی طرف سے 50ہزار میٹرک ٹن گندم پاکستان کے راستے جائے گی جس کی حفاظت کے لئے پاکستان سکیورٹی دینے کے لئے تیار ہوگیا ہے۔

یاد رہے کہ افغانستان میں انسانی بحران کے بعد طالبان حکومت نے عالمی اداروں سے اپنے منجمند کئے گئے اثاثوں کی بحالی کی درخواست کی تھی،اسی دوران اقوام متحدہ نے خدشہ ظاہر کیا تھا کہ اگر بروقت افغانستان کی مدد نہ کی گئی تو وہاں پر حالات خراب ہوسکتے ہیں،لہٰذا تمام ممالک افغانستان کی مدد کریں،جس کے بعد بھارت نے 50ہزار میٹرک ٹن گندم دینے کی پیشکش کی تھی اور یہ گندم پاکستان کے راستے افغانستان جانا تھی ،وزیراعظم عمران خان نے کابینہ اجلاس کے دوران اس پیشکش کو منظور کرتے ہوئے انسانی ہمدردی کے تحت یہ گندم پاکستان کے راستے افغانستان تک پہنچانے کا عزم کیا تھا۔

ذرائع کے مطابق پاکستانی عزم کے بعد مودی سرکار نے چالاکی دکھاتے ہوئے بھارت کی افغانستان کو گندم فراہمی کی پیش کش پر اسلام آباد سے سکیورٹی مانگ لی تھی، پاکستان نے افغان بھائیوں کی مدد کے لیے بڑا قدم اٹھاتے ہوئے سکیورٹی دینے کی تیاری کرلی ۔

پاکستان نے ورلڈ فوڈ پروگرام اور یو این طریقہ کار اپنانے کی تجویز دیتے ہوئے کہا کہ بھارت ڈبلیو ایف پی کے ساتھ سارے معاملات طے کرے جبکہ پاکستان کی تجویز پر بھارت سے گندم منتقلی کے لیے طریقہ کار کو وزیر اعظم اور کابینہ نے منظور کیا۔

ذرائع کا مزید کہنا تھا کہ پاکستان چاہتا ہے کہ گندم کی ترسیل کا عمل 30 روز میں مکمل ہو جائے،ڈبلیو ایف پی اور اقوام متحدہ بہتر طور پر افغانستان میں گندم کی تقسیم کا نیٹ ورک اور طریقہ کار سمجھتے ہیں۔

0 Reviews

Write a Review

Read Previous

این اے 133: ن لیگ اور پیپلز پارٹی کے امیدواروں کی نا اہلی کی درخواست مسترد

Read Next

یوکرین کے محاذ پر بڑھتی کشیدگی، امریکا اور رو س میں دھمکیوں کے تبادلے

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے