• دسمبر 5, 2021

بھارت کا کرپٹو کرنسی پر پابندی عائد کرنے کا فیصلہ

نئی دہلی: بھارت نے کرپٹو کرنسی پر پابندی عائد کرنے کا فیصلہ کر لیا ہے۔

بھارتی میڈیا کے مطابق بھارتی پارلیمان نے کرپٹو کرنسی کے استعمال پر پابندی اور مرکزی بینک کی ڈیجیٹل کرنسی کے لیے فریم ورک تیار کرنے کی غرض سے بل متعارف کرانے کا فیصلہ کیا ہے۔

بھارت کے ایوان نمائندگان لوک سبھا میں مجوزہ بل لایا جائے گا اور اس کے ذریعے کرپٹو کرنسی کے نجی استعمال پر پابندی عائد کر دی جائے گی۔

بھارتی وزیر اعظم نریندر مودی نے گزشتہ ہفتے کرپٹو کرنسی سے متعلق کہا تھا کہ یہ نوجوان نسل کے لیے خطرناک ہو سکتی ہے۔

واضح رہے کہ بھارت سے قبل چین بھی ستمبر میں کرپٹو کرنسی کے استعمال کو غیر قانونی قرار دے چکا ہے جبکہ بھارت میں ڈیڑھ کروڑ سے 10 کروڑ کے درمیان شہری کرپٹو کرنسی کے مالک ہیں جس کی مالیت کروڑوں ڈالر بنتی ہے۔ ممکنہ پابندی کے بعد بھارتی شہریوں کی کرپٹو کرنسی میں سرمایہ کاری غیر یقینی کا شکار ہو گئی ہے۔

0 Reviews

Write a Review

Read Previous

بین الاقوامی کمپنیوں کا پاکستان میں منصوبے شروع کرنا خوش آئند ہے: وزیراعظم

Read Next

لاہور: ہفتے میں 3 روز اسکول بند کرنے کا اعلان

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے