• جون 14, 2021

بھارت میں عام شخص سے ایٹمی مواد کی برآمدگی، پاکستان کی تشویش

اسلام آباد : پاکستان نے بھارت میں 7 کلو نیچرل یورینیم تحویل میں لیے جانے کی اطلاعات پر تشویش کا اظہار کرتے ہوئے کہا ہے کہ بھارتی حکام معاملے کی جامع تحقیقات کرائے۔

پاکستانی دفتر خارجہ کے ترجمان نے بھارت میں ایٹمی مواد یا نیچرل یورینیم قبضے میں لیے جانے پر اپنے بیان میں کہا ہے کہ بھارت میں 7 کلویورینیم ایک غیرمجاز شخص سے تحویل میں لیا گیا اور 7 کلو نیچرل یورینیم تحویل میں لیے جانے کی اطلاعات پر تشویش ہے۔

ترجمان کا کہنا تھا کہ نیچرل یورنیم غیرمجاز شخص سے تحویل میں لیے جانے پر کئی سوالات نے جنم لیا ہے۔ ایٹمی مواد کی حفاظت تمام ممالک کی اولین ترجیح ہونی چاہیے۔

انہوں نے کہا کہ بھارت میں ایک عام شخص سے ایٹمی مواد ملنا اچنبے کی بات ہے۔

دفتر خارجہ نے مطالبہ کیا ہے کہ بھارتی حکام معاملے کی جامع تحقیقات کرائی جائیں۔ بھاری مقدار میں ایٹمی مواد ریاستی کنٹرول سے باہر کیسے نکلا اور بھارتی حکام ان وجوہات کی نشاندہی کریں جن کے باعث نیچرل یورینیم چوری ہوا۔

0 Reviews

Write a Review

Read Previous

A1 Tv Headlines 12 PM | 8th May 2021

Read Next

ظاہر ہوتا ہے کہ سلیکٹڈ حکومت کتنی خوفزدہ ہے ؟ مریم نواز

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے