• جون 24, 2021

بلوچستان کے علاقے قلعہ عبداللہ میں دھماکہ، پولیس اہلکار شہید

کوئٹہ: بلوچستان کے علاقے قلعہ عبداللہ میں دھماکے سے ایک پولیس اہلکار شہید اور تین افراد زخمی ہو گئے۔

نمائندہ ہم نیوز کے مطابق بلوچستان کے علاقے قلعہ عبداللہ میں ہونے والا بم دھماکہ انتہائی زوردار تھا۔ جس کی آواز دور دور تک سنی گئی۔

دھماکہ پولیس موبائل کے قریب ہوا۔ بم ایک موٹر سائیکل میں نصب تھا۔ دھماکے کے نتیجے میں ایک پولیس اہلکار شہید، ایک پولیس اہلکار سمیت تین راہگیر زخمی ہو گئے، دھماکے کے نتیجے میں گاڑی مکمل تباہ ہو گئی۔

دھماکے کی اطلاع ملتے ہی پولیس کی بھارت نفری موقع پر پہنچ گئی۔

پولیس نے دھماکے کی جگہ سے شواہد اکھٹے کیے۔ جائے وقوع پر بڑی تعداد میں لوگ جمع ہو گئے،دھماکے میں شہید و زخمی ہونے والوں کو فوری طور پر اسپتال منتقل کر دیا گیا۔

قلعہ عبداللہ میں ہونے والے دھماکے سے علاقے میں خوف و ہراس پھیل گیا۔

0 Reviews

Write a Review

Read Previous

چھوٹا سا طبقہ ملک کے وسائل پر قابض ہے، وزیر اعظم

Read Next

جاوید لطیف کا 5 روزہ جسمانی ریمانڈ منظور

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے