• جولائی 30, 2021

بلوچستان میں بھارت کا دہشت گردی کا نیٹ ورک کافی حد تک توڑ دیا: فواد چودھری

اسلام آباد: فواد چودھری نے کہا ہے کہ بلوچستان میں بھارت کا دہشت گردی کا نیٹ ورک کافی حد تک توڑ دیا، اب قوم پرستوں کے ساتھ بات چیت کا ایجنڈا طے کیا جائیگا۔

وفاقی وزیر اطلاعات فواد چودھری نے سماجی رابطے کی ویب سائٹ پر ٹویٹ کرتے ہوئے کہا کہ بلوچستان وزیراعظم عمران خان کے دل کے قریب ہے، بلوچستان میں وفاقی حکومت 731 ارب کے 131 منصوبے مکمل کرے گی جبکہ صوبائی حکومت نے رواں برس کے لئے 180 ارب روپے ترقیاتی منصوبوں کے لئے مختص کئے ہیں۔

دوسری جانب وفاقی وزیر اسد عمر نے کہا ہے کہ نارتھ فری زون گوادر کے پہلے زون سے 35 گنا زیادہ بڑا ہے، چینی سرمایہ کار وں نے ایک ارب ڈالر سے زائد کی سرمایہ کاری کا بتایا، گوادر میں سرمایہ کاروں کی دلچسپی میں اضافہ ہو رہا ہے۔

اسد عمر کا کہنا تھا کہ چینی سرمایہ کاروں نے وزیراعظم سے ویڈیو لنک سے بات کی، بلوچستان کیلئے وزیراعظم کی ہدایات پر ترقیاتی کام تیزی سے جاری ہے، بلوچستان کیلئے بارہ سو ارب روپے کے منصوبے ہیں، صوبے میں اس پیمانے پر ترقیاتی کام پہلے نہیں ہوئے۔

0 Reviews

Write a Review

Read Previous

گوجرانوالہ: علی پور چٹھہ میں 11 سالہ لڑکا زیادتی کے بعد قتل، دو ملزمان گرفتار

Read Next

پاک افغان طور خم بارڈر پر آج سے ہر قسم کی آمدورفت بند رہے گی: شیخ رشید

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے