• جنوری 17, 2022

بلاول بھٹو کا سانحہ سیالکوٹ کے مجرموں کو فی الفور سزائیں دینے کا مطالبہ

اسلام آباد: پیپلزپارٹی کے چیئرمین بلاول بھٹو زرداری نے سانحہ سیالکوٹ کے مجرموں کو فی الفور سزائیں دینے کا مطالبہ کرتے ہوئے کہا ہے کہ اگر سری لنکن شہری پریا نتھا کے خاندان کو فوری انصاف نہ ملا تو عالمی سطح پر یہ ملک کی بدنامی کی وجہ بنے گا۔

اپنے ایک بیان میں بلاول کا کہنا تھا کہ آج یورپی یونین سمیت پوری دنیا ہم سے نفرت پھیلانے والوں کے خلاف اقدامات سے متعلق سوال کررہی ہے، سانحہ سیالکوٹ سے مثبت ملکی تاثر داؤ پر لگ چکا ہے، نمائشی کے بجائے حکومت کو ٹھوس اقدامات کرنے ہوں گے۔

انہوں نے نشان دہی کرتے ہوئے کہا کہ گزشتہ ماہ شہید ہونے والے پنجاب پولیس کے اہل کاروں کے قاتلوں کی رہائی جیسے حکومتی اقدامات انتہاپسندوں کے حوصلے بڑھاتے ہیں، ملک میں نفرت انگیزی کے خاتمے کے لئے عوام کو انتہاپسندی کی جانب بہکانے والی سوچ کو نشانہ بنانا ہوگا۔

بلاول کا مزید کہنا تھا کہ اگر نیشنل ایکشن پلان کے تمام نکات پر عمل ہوجاتا تو سانحہ سیالکوٹ جیسے قابل مذمت واقعات رونما نہ ہوتے جبکہ انتہاپسندی کے جڑ سے خاتمے کے لئے ملک کی تمام سیاسی و مذہبی جماعتوں کو مشترکہ سوچ اپنانا ہوگی۔

0 Reviews

Write a Review

Read Previous

وزیر داخلہ کا سری لنکن ہائی کمیشن کا دورہ، ہائی کمشنر سے ملاقات

Read Next

میانمار :برطرف رہنما آنگ سان سوچی کو 4سال قید کی سزا

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے