• نومبر 29, 2021

بشریٰ انصاری اپنی مرحوم بہن بن کر بات کرنے لگیں

لاہور: پاکستان کی معروف اداکارہ بشریٰ انصاری نے کہا ہے کہ والدہ سے مرحوم بہن بن کر بات کرتی ہوں۔

معروف اداکارہ بشریٰ انصاری نے اپنے ایک انٹرویو میں انکشاف کیا کہ انہوں نے والدہ کو بہن اداکارہ سنبل شاہد کے انتقال سے متعلق اب تک نہیں بتایا۔

انہوں نے کہا کہ والدہ کی طبیعت انتہائی ناساز رہتی ہے اور ان کی 70 فیصد بینائی بھی ختم ہو چکی ہے۔ اب اگر والدہ کو سنبل شاہد کے انتقال کی خبر دی تو وہ برداشت نہیں کر پائیں گی۔

بشریٰ انصاری نے کہا کہ ہم نے والدہ کو یہی بتایا  ہے کہ سنبل امریکہ گئی ہوئی ہیں اور کورونا وائرس کی وجہ سے اب فلائٹس بند ہیں جس کی وجہ سے وہ واپس نہیں آ سکتیں۔

انہوں نے کہا کہ جب والدہ بہن سنبل سے بات کروانے کی زیادہ ضد کرتی ہیں تو ان سے سنبل بن کر میں بات کر لیتی ہوں تاکہ انہیں سنبل کی کمی محسوس نہ ہو۔

اداکارہ نے مزید کہا کہ سنبل کے انتقال سے ایک برس قبل ان کے 40 سالہ بیٹے کا بھی انتقال ہوا تھا، سنبل کو کوئی بیماری نہیں تھی لیکن وہ اپنے بیٹے کے صدمے کی وجہ سے اتنی دلبرداشتہ تھیں کہ کورونا کا مقابلہ نہیں کر سکیں۔

واضح رہے کہ بشریٰ انصاری کی بہن اداکارہ سنبل شاہد رواں برس عالمی وبا کورونا کا شکار ہو کر انتقال کر گئی تھیں

0 Reviews

Write a Review

Read Previous

بھارتی اداکارہ شہناز گل فلم پروموشن کے دوران رو پڑیں

Read Next

بھارتی اداکار کا بیٹا بینک لوٹنے کا خواہش مند

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے