• جولائی 30, 2021

برطانیہ کا عالمی ضوابط کی پاسداری کی شرط پر طالبان کیساتھ کام کرنے کا عندیہ

لندن:  برطانیہ نے عالمی ضوابط کی پاسداری کی شرط پر طالبان کے ساتھ کام کرنے کا عندیہ دے دیا، برطانوی وزیر دفاع نے کہا ہے کہ اگر طالبان اقتدار میں آئے تو ان کے ساتھ کام کریں گے۔

برطانوی وزیر دفاع بین ویلیس نے اخبار کو انٹریو دیتے ہوئے کہا کہ اگر طالبان بعض بین الاقوامی ضوابط کی پاسداری کریں تو برطانوی حکومت ان کے ساتھ کام کرنے کے لیے تیار ہے۔

انہوں نے مزید کہا کہ اگر طالبان انسانی حقوق کی سنگین خلاف ورزی کرتے ہیں تو برطانیہ اپنے تعلقات پر نظر ثانی کرے گا، انہوں نے تسلیم کیا کہ طالبان کے ساتھ کام کرنا ایک متنازع معاملہ ہوگا۔

دوسری جانب امریکی سینٹرل کمانڈ کا کہنا ہے کہ افغانستان سے امریکی فوج کا انخلا عمل 95 فیصد سے زائد مکمل ہو چکا ہے۔ 984 سی 17 طیاروں کے ذریعے ضروری سامان افغانستان سے نکال لیا گیا، افغانستان میں قائم 7 فوجی اڈے بھی افغان وزارت دفاع کے حوالے کر دیئے گئے ہیں۔

0 Reviews

Write a Review

Read Previous

کورونا کے وار جاری: مہلک وائرس مزید 47 جانیں لے گیا، 2545 مریضوں کا اضافہ

Read Next

سڈنی میں کورونا کے بڑھتے کیسز، لاک ڈاؤن میں 30 جولائی تک توسیع

Leave a Reply

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے